उमेश जाधव यांनी श्रींसाठी साकारली अजिंठा-वेरुळ लेणींची प्रतिकृती, सेलेब्ससह अनेकांनी घेतले दर्शन

मुंबई : मराठीतील प्रसिद्ध कोरिओग्राफर उमेश जाधव यांच्या घरी पाच दिवस विधीवत श्रींची पूजाअर्चा झाली. उमेश दरवर्षी आपल्या बाप्पासाठी भव्यदिव्य सजावट करत असतात. यावर्षी त्यांनी बाप्पांसाठी अजिंठा-वेरुळ लेणींची प्रतिकृती साकारली होती. गणेशोत्सवाचे यंदाचे हे त्यांचे 17 वर्षे आहे. फॅमिली-फ्रेंड्ससोबत त्यांनी उत्साहात गणेशोत्सव साजरा केला. मराठी इंडस्ट्रीतून अभिनेत्री हर्षदा खानविलकर, अभिनेते जयवंत वाडकर यांच्यासह अनेकांनी त्यांच्या घरी विराजमान श्रींचे दर्शन घेतले.