आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

सुबोध भावे, उर्मिला कानेटकरच्या आगामी \'करार\' सिनेमाचा मुहूर्त पार पडला

6 वर्षांपूर्वी
  • कॉपी लिंक
('करार' सिनेमाच्या मुहूर्तावेळी कलाकार)
मराठी सिनेमांची संख्या दिवसेंदिवस जसजशी वाढत आहे त्याचप्रमाणे निर्मात्यांची संख्याही तितक्याच वेगात वाढताना दिसत आहेत. नवनवीन विषय, तंत्रज्ञ याचा योग्य वापर करून मराठी सिनेमा आज एका वेगळ्या पातळीवर जाऊन पोहचला आहे.
सध्याच्या या धकाधकीच्या आणि महागाईच्या दुनियेत प्रत्येकजण हा हिशेबी झालेला आहे. परंतु ह्या हिशेबीपणाच्या नादात अतिहिशेबीपणामुळे त्याचे परिणाम ही तितकेच वाईट येऊ शकतात. यामुळे आयुष्यात कशी वेळ येऊ शकते? कसा गुंता निर्माण होऊ शकतो? ह्या सर्व गोष्टींवर भाष्य करणारा एका वेगळ्या धाटणीचा 'करार ' हा सिनेमा लवकरच आपल्या भेटीला येणार आहे.
'क्रॅक एंटरटेनमेंट'च्या पूनम सिव्या यांची पहिलीच निर्मिती असलेल्या 'करार' सिनेमाचा मुहूर्त अलीकडेच गोरेगाव येथील एका स्टुडियोमध्ये निर्माती, दिग्दर्शक, कलाकार आणि तंत्रज्ञ मंडळींच्या उपस्थितीत संपन्न झाला. या सिनेमाचे दिग्दर्शन मनोज कोटीयान यांचे असून कॅमेरामन म्हणून शेखर नगरकर काम पहाणार आहेत.
या वेगळ्या धाटणीच्या सिनेमाची कथा संजय जगताप यांनी लिहिली असून पटकथा आणि संवाद हेमंत एदलाबादकर यांचे आहेत. या सिनेमात अभिनेता सुबोध भावे, अभिनेत्री क्रांती रेडकर आणि उर्मिला कानेटकर यांच्या महत्वपूर्ण भूमिका आहेत. गुरु ठाकूर यांनी लिहिलेल्या उत्तम गीतांना विजय गवंडे यांचे संगीत लाभणार असून कोरिओग्राफर म्हणून सुभाष नकाशे काम पाहणार आहेत. या सिनेमाचे संपूर्ण चित्रीकरण मुंबई येथेच होणार असून हा सिनेमा लवकरच आपल्या भेटीला येणार आहे.