एन्टरटेन्मेंट डेस्कः 'कॉफी आणि बरंच काही', 'आजोबा', 'नीळकंठ मास्तर', 'युथ', 'फ्रेंड्स', 'मिड नाईट्स चिल्ड्रन' या गाजलेल्या सिनेमांमध्ये स्वतःची वेगळी छाप उमटवणारी अभिनेत्री म्हणजे नेहा महाजन... 'टीटीएमएम' अर्थातच 'तू तुझं मी माझं' या सिनेमातून नेहा मोठ्या पडद्यावर झळकणार असून तिचा हा सिनेमा उद्या (16 जून) थिएटरमध्ये दाखल होतोय. या सिनेमात नेहाची जोडी जमली आहे ती अभिनेता ललित प्रभाकरसोबत. सिनेमाचा ट्रेलर आणि गाणी रिलीजआधीच चांगलीच गाजत आहेत. या सिनेमात नेहाने राजश्री नावाच्या तरुणीची भूमिका साकारली आहे. मध्यमवर्गीय घरात लहानाची मोठी झालेल्या राजश्रीला तिच्या पत्रिकेत राजयोग असल्याचे नेहमी वाटत असते. राजयोग म्हणजे तिला असा नवरा मिळेल जो तिला प्रचंड सुखात ठेवेल व जगभर हिंडवेल. तिला तिच्या स्वप्नातला नवरा मिळतो का? हे तर आता सिनेमा प्रदर्शित झाल्यानंतरच आपल्याला समजणार आहे.
Movie Review : `तुझं तू माझं मी'च्या पलीकडचे सुंदर जग दाखविणारा युथफूल चित्रपट