आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

पडद्यामागील: देशात पुरस्कारही उगवतात, वाचा मनोज कुमार यांच्या फिल्मी करिअरविषयी

6 वर्षांपूर्वी
  • कॉपी लिंक
मनोज कुमार यांना दादासाहेब फाळके पुरस्कार जाहीर झाला आहे. मनोज कुमार आणि धर्मेंद्र यांनी आपला प्रवास एकाच वेळी सुरू केला होता. सीताराम शर्मा या शिक्षकांमुळे मनोज कुमार यांच्या फिल्म करिअरमध्ये खूप बदल घडला. शर्मा यांनी शहीद भगतसिंग यांच्या जीवनाचा सखोल अभ्यास करून पटकथा लिहिली होती. मनोज कुमार यांनी या चित्रपटाच्या निर्मितीमध्ये त्यांना मदत केली. देशभक्तीच्या लाटेवर स्वार होऊनच आपल्याला वैतरणा पार करता येईल, हे मनोज कुमार यांना ‘शहीद’ नावाच्या चित्रपटामुळे कळाले. यामुळे त्यांना एक दिशा मिळाली.

‘शहीद’ला बॉक्स ऑफिसवर यश मिळाले आणि प्रशंसाही झाली. याच चित्रपटाच्या प्रेरणेतून मनोज कुमार यांनी ‘उपकार’ची निर्मिती दिग्दर्शन केले. चित्रपट गीतकार गुलशन बावरा त्यांचे घनिष्ट मित्र होते. त्यांनी लिहिलेले ‘मेरे देश की धरती सोना उगले’या गीताने मनोज कुमार यांचा मार्ग प्रशस्त केला, परंतु आपल्या प्रवासाच्या पुढील टप्प्यात त्यांनी गुलशन बावरा यांची साथ सोडली सीताराम शर्मांसाठी ‘यादगार’ नावाच्या चित्रपटामध्ये अभिनय केला. मात्र, तोपर्यंत मनोज कुमार यांना चित्रपट निर्मितीच्या प्रत्येक गोष्टीत ढवळाढवळ करण्याची सवय लागली होती. विचित्र बाब म्हणजे मनोज कुमार हे अभिनेते दिलीप कुमार यांना आपला आदर्श मानत होते. दिलीप कुमार यांच्याप्रमाणेच त्यांनादेखील आपल्या चित्रपटाच्या लेखनापासून ते संपादनापर्यंत प्रत्येक गोष्टीवर भरपूर नियंत्रण ठेवण्याचा छंद जडला. त्यामुळे ‘यादगार’च्या निर्मितीला उशिर झाला.
मनोज यांच्या कोणत्या फॉर्म्युल्याने पैशांचा पाऊस पाडला, वाचा पुढील स्लाइडवर...
बातम्या आणखी आहेत...