जेव्हा आसारामसोबत नतमस्तक झाले होते सिद्धू, म्हणाले होते - बापूच्या दरबारात रब भेटतो

मुंबई. अल्पवयीन मुलीच्या लैंगिक शोषण प्रकरणी आसारामसह तीन आरोपींना दोषी ठरवण्यात आले असून त्याला जन्मठेपेची शिक्षा सुनावण्यात आली आहे. सहआरोपींना 20-20 वर्षांची शिक्षा सुनावण्यात आली आहे. तर दोन जणांची निर्दोष मुक्तता झाली आहे. पॉक्सो अॅक्टमध्ये झालेल्या बदलानंतर आलेला हा ऐतिहासिक निर्णय आहे. एक काळ असा होता, जेव्हा आसारामचे केवळ सामान्यच नव्हे तर राजकारणापासून बॉलिवूडपर्यंत अनेक जण भक्त होते. विनोदवीर कपिल शर्माच्या शोमध्ये जजच्या भूमिकेत झळकलेले नवज्योत सिंग सिद्धू
हे देखील आसामाचे मोठे भक्त राहिले आहेत. त्यांचा आसारामच्या दरबारातील एक जुना व्हिडिओ यूट्युबवर उपलब्ध असून यामध्ये ते आसारामसमोर नतमस्तक झालेले आणि त्याचे गुणगान गाताना दिसत आहेत.