बहिणीच्या लग्नात भावूक झाला सलमान, अर्पिता-आयुषला दिला आशीर्वाद, बघा WEDDING PICS

(अर्पिता आणि आयुष लग्नाच्या विधी पूर्ण करताना, त्यांच्या शेजारी सलीम आणि सलमान खान)

मुंबई- बॉलिवूड अभिनेता सलमान खानची बहीण अर्पिता हिच्या लग्नाचा विधी हैदराबाद येथील 'फलकनुमा पॅलेस'मध्ये झाला. खान कुटुंबीयांच्या उपस्थितीत अर्पिताने आयुषच्या गळ्यात वरमाळा घातली. वरमाळाच्या विधीवेळी सलमान आपल्या बहिणीच्या शेजारी उभा होता. सलमान यावेळी भावूक दिसला. त्याच्या डोळ्यात आनंदाश्रूही तराळले होते.

माणसाचे आयुष्य कधी कसे बदलेल हे कोणीही सांगू शकत नाही. मुंबईच्या फुटपाथवर आईचे निधन झाल्याने रस्त्यावर रडत बसलेल्या अनाथ मुलीला एक कुटुंब मानवतेच्या भावनेतून घरी आणते, दत्तक घेते. पालनपोषण करून मोठे केलेल्या या मुलीचे एखाद्या राजकुमारीप्रमाणे धूमधडाक्यात लग्नही लावून दिले जाते. एखाद्या चित्रपटाला शोभेल असा जीवनानुभव घेतलेली नववधू बॉलिवूड स्टार सलमान खानची बहीण अर्पिता आज आनंदाच्या सर्वोच्च शिखरावर जाऊन पोहोचली आहे. सलमानसह त्याचे वडील सलीम खान यांनी या अनाथ मुलीला दत्तक घेण्याचा निर्णय घेतला होता. ती घरात आल्यामुळे खान परिवाराची भरभराट झाली, अशी सलमानच्या कुटुंबीयांची भावना आहे. त्यामुळे अर्पिता ही खान परिवाराची अत्यंत लाडकी कन्या. तिच्या सगळ्याच इच्छा पूर्ण करण्यास खान परिवार एका पायावर तयार असतो. त्याचमुळे तिच्या आयुष्यातील सर्वोच्च महत्त्वाचा क्षण असलेला विवाह सोहळाही अतिभव्य व्हावा, अशी सलमान खान कुटुंबीयांची इच्छा होती आणि त्यानुसारच मंगळवारी हैदराबादेत हा भव्य सोहळा पार पडला.

अर्पिताच्या आईचेही पाणावले डोळे..
आयुष अर्पिताच्या गळ्यात मंगळसूत्र बांधताना अर्पिताची आई सलमा खान यांच्याही डोळ्यात आनंदाश्रू दिसले. मुलीची पाठवणी होण्यापूर्वीच आईच्या डोळ्यांत मुलीला सासरी पाठवण्याचा आनंद आणि आपल्याला सोडून जाणार याचे दुःख स्पष्ट दिसत होते.

पुढील स्लाईड्समध्ये पाहा अर्पिताच्या लग्नाच्या विधीची खास छायाचित्रे...