पूनम पांडेला अटक व सुटका, मध्यरात्री अश्लील कृत्य करताना आढळली

मुंबई - तोकड्या कपड्यांमध्ये मिरा रोडमध्ये भर रस्त्यात अश्लील कृत्य करणाऱ्या अभिनेत्री आणि मॉडेल पूनम पांडेला पोलिसांनी 2 मेच्या रोत्री अटक करून नंतर तिला समज देऊन सोडले. गुरुवारी रात्री मिरा रोडमधील शिवार गार्डन भागात ही घटना घडली. पोलिसांनी पूनमला मुंबई पोलिस अॅक्ट 110 आणि 117 अंतर्गत कारवाई करून समज देऊन सोडून दिले.

'भारताने विश्वचषक जिंकला तर मी माझे कपडे उतरवून आनंद साजरा करेन', असे विधान करून पूनम पांडेने वादळ उठवले होते. त्यानंतर बॉलिवूडची ही हॉट बाला काही ना काही कारणाने नेहमीच चर्चेत राहिलेली आहे. आता एक पाऊल पुढे टाकत तिने भर रस्त्यातच चाळे करून अश्लीलतेचा कळस गाठला आहे.

शिवार गार्डन येथे मध्यरात्री आपली कार उभी करून भर रस्त्यात पूनम अश्लील कृत्य करताना आढळली. हा प्रकार पाहणाऱ्यांनी पोलिसांना त्याची माहिती दिली आणि तातडीने तेथे पोहोचत पोलिसांनी पूनमला अटक केली. त्यानंतर काही वेळाने पूनमला समज देऊन सोडण्यात आले.