स्पृहा जोशीने सिद्धीविनायकाच्या चरणी लाँच केले आपला नवीन गाणे \'लाऊंज गणेशा\'

हे गाणे अभिनेत्री आणि कवियत्री म्हणून ओळखल्या जाणा-या स्पृहा जोशीने लिहिले असून निलेश मोहरीर यांनी ते संगीतबद्ध केले आहे. तर मंगेश बोरगावकरने ती स्वरबद्ध केली आहेत. गणेशोत्सवात या नवीन गाण्याची भेट स्पृहाने आपल्या चाहत्यांना दिली आहे.

या गाण्याचे वैशिष्ट्य म्हणजे, दोन संगीतपद्धतींचा मिलाफ करुन 'फ्युजन' असा संगीतप्रकार उदयास आला आहे आणि याच फ्युजनमधून थोडासा आगळावेगळा प्रयोग तरुण संगीतकार निलेश मोहरीर यांनी केला आहे. निलेश यांच्या 'स्पिरिच्युअल स्पा' या निर्मितीचे हे पहिले गाणे आहे. लवकरच हे नवीन गाणे डाऊनलोडिंगसाठी उपलब्ध होणार आहे.