Home | Business | Gadget | You can earn lakhs per annual through digital marketing

या आहेत डिजीटल मार्केटिंगमधील रोजगाराच्या संधी, कमवा 40 लाख रुपयांपर्यंत पगार

दिव्य मराठी वेब टीम | Update - Oct 05, 2017, 10:46 AM IST

बिझनेस डेस्क - देशभरात शहरी आणि ग्रामीण क्षेत्रात इंटरनेटच्या विस्ताराने कंपन्यांना जाहिरातीसाठी एक उत्तम व्यासपीठ मिळाल

  • You can earn lakhs per annual through digital marketing
    बिझनेस डेस्क - देशभरात शहरी आणि ग्रामीण क्षेत्रात इंटरनेटच्या विस्ताराने कंपन्यांना जाहिरातीसाठी एक उत्तम व्यासपीठ मिळाले आहे. जिथे एका बाजूने डिजिटल जाहिरातबाजी वेगाने वाढते आहे, तिथे यावर केला जाणारा खर्च गेल्या काही वर्षांत वाढला आहे. डिजिटल माध्यमांचा विस्तार आणि इंटरनेट ग्राहकांची संख्या वाढल्याने डिजिटल मार्केटिंगला प्रोत्साहनच मिळाले आहे. यामुळे युवकांसाठी नोकरीच्या संधीही वाढल्या आहेत.
    गेल्या काही वर्षांत डिजिटल मार्केटिंग देशात मार्केटिंगचा एक महत्त्वाचा भाग होऊन उदयास आला आहे. 2010 च्या पूर्वीपर्यंत डिजिटल माध्यमांना एवढ्या गांभीर्याने घेतले जात नव्हते. पण देशभरात इंटरनेट ग्राहक आणि तांत्रिक विकासामुळे डिजिटल मार्केटिंगला महत्त्वपूर्ण मानले जाऊ लागले आहे. वर्तमानात डिजिटल मार्केटिंगच्या विस्ताराने युवकांना रोजगाराच्या नव्या संधी निर्माण होत आहेत. अहवालानुसार डिजिटल मार्केटिंग या वर्षीच्या अखेरीस 8 लाख लोकांसाठी रोजगाराचे माध्यम होईल.
    पुढील स्लाईडवर वाचा - पाच वर्षात डिजीटल जाहिरातीत झाली 33 टक्के वाढ
  • You can earn lakhs per annual through digital marketing
    एका अहवालानुसार देशाचा डिजिटल जाहिरातींचा बाजार 2010 ते 2015 दरम्यान 33 टक्के वार्षिक दराने वाढला आहे. तेच या वर्षी डिजिटल मार्केटिंगवर केल्या जाणाऱ्या खर्चात 12 टक्के वाढ होण्याची शक्यता आहे. तथापि, इंटरनेट जाहिरातबाजीवर केला जाणारा खर्च या वर्षीच्या शेवटपर्यंत जवळपास 13  टक्क्यांपर्यंत वाढू शकतो. डिजिटल मार्केटिंग वाढण्याचे सर्वात मोठे कारण इंटरनेटचा विस्तार हेही आहे. 2012 मध्ये जिथे 1.8 कोटी इंटरनेट ग्राहक होते, तिथे आता ही संख्या वाढून 34 कोटींहून अधिक झाली आहे. एका दुसऱ्या अहवालानुसार देशात एक व्यक्ती आठवड्यात सरासरी 16 तास ऑनलाइन वा टेलिव्हिजन पाहतो. या सर्वांच्या विस्ताराने डिजिटल मार्केटिंगला प्रोत्साहनच मिळाले आहे आणि यात नोकऱ्यांची शक्यता वाढली आहे.
    पुढे वाचा - प्रचाराचे प्रभावी माध्यम
     
  • You can earn lakhs per annual through digital marketing
    डिजिटल मार्केटिंगमध्ये ई-मेल, सोशल मीडिया, वेबसाइट आणि ऑनलाइन कम्युनिकेशनच्या माध्यमातून प्रचार करणे समाविष्ट आहे. यात डिजिटल माध्यमातून ग्राहकांना भुलवण्याचा प्रयत्न केला जातो आहे. तथापि, या क्षेत्रात करिअर बनवण्यासाठी तांत्रिकतेत पायाभूत माहिती आणि क्रिएटिव्हिटीची गरज असते. डिजिटल माध्यमाची प्रत्येक सामान्य माणसापर्यंत पोहोच असल्याने कंपन्यांना उत्पादनाचा प्रचार करण्यात सहजता असते. यासाठी कंपन्यांद्वारे विभिन्न प्रकारच्या पद्धती स्वीकारल्या जातात.
     
    पुढे वाचा - या विद्यार्थ्यांना आहे संधी
     
  • You can earn lakhs per annual through digital marketing
    सेल्स, मार्केटिंग वा आयटीचे शिक्षण करणारे विद्यार्थी डिजिटल मार्केटिंगच्या क्षेत्रात करिअर बनवू शकतात. कोणत्याही प्रवाहातून बॅचलर डिग्री करणारे विद्यार्थी सेल्स वा मार्केटिंगमधून एमबीए करू शकतात. तेच इन्फर्मेशन टेक्नॉलॉजीमधून संबंधित पदवी कोर्स करणारे विद्यार्थीही यात करिअर करू शकतात. आयटीमधून एमबीए करणाऱ्या विद्यार्थ्यांसाठीही हा एक उत्तम पर्याय असू शकतो. यात सामान्य पदवीधरांसाठी नोकऱ्यांच्या संधी आहेत.
     
    पुढे वाचा - वर्षाकाठी मिळेल 40 लाखापर्यंत पगार
     
  • You can earn lakhs per annual through digital marketing
    कॉपी रायटरपासून ते मॅनेजरपर्यंतच्या नोकऱ्या: डिजिटल मार्केटिंगमध्ये व्यावसायिक विभिन्न प्रकारच्या नोकऱ्या करू शकतात. अनेक कंपन्यांत डिजिटल मार्केटिंग डिपार्टमेंट असते. तथापि, अनेक कंपन्या मार्केटिंगसाठी जाहिरात संस्थांचा आश्रय घेतात. यात व्यावसायिक डिजिटल मार्केटिंग व्यावसायिक कंटेंट मार्केटिंग मॅनेजर, कंटेंट रायटर, सोशल मीडिया मार्केटिंग स्पेशालिस्ट, सीईओ एक्झिक्युटिव्ह आणि कॉपी रायटरचा जॉब करू शकतात. सामान्य पदवीधर कंटेंट रायटर व कॉपी रायटरसारख्या पदांवर काम करू शकतात.
    1.5 ते 40 लाख रुपयांपर्यंत मिळू शकते वार्षिक पॅकेज : डिजिटल मार्केटिंगच्या क्षेत्रात संस्था आणि पदानुसार सॅलरी पॅकेज वेगवेगळे असू शकते. यात कार्यकारीस 1.5 ते 3 लाख रुपयांपर्यंतचे वार्षिक वेतन मिळण्याची शक्यता असते. तेच अॅनालिस्ट वा स्ट्रॅटेजिस्टला 5 ते 9 लाख रुपयांपर्यंतचे वार्षिक पॅकेज मिळू शकते. डिजिटल मार्केटिंग हेडला वार्षिक 10 ते 40 लाख रुपयांपर्यंतचे वार्षिक वेतन मिळण्याची शक्यता असते.
     

Trending