Home | Business | Industries | INDU COMP ECNM infog steelbird helmet company rags to riches story

25 पैशाच्या नफ्याने सुरु केला बिझनेस, उभा केला 200 कोटींचा व्यवसाय

दिव्य मराठी वेब टीम | Update - May 27, 2018, 12:01 AM IST

लहान पिशव्या बनवून 25 पैशाचा नफा घेऊन एक व्यक्तीने 200 कोटींची कंपनी उभी केली हे अनेकांना अशक्य वाटते. पण स्

  • INDU COMP ECNM infog steelbird helmet company rags to riches story
    सुभाष कपूर (मध्यभागी), मुलगा राजीव कपूर आणि नातू कशिश कपूर.

    नवी दिल्ली- लहान पिशव्या बनवून 25 पैशाचा नफा घेऊन एक व्यक्तीने 200 कोटींची कंपनी उभी केली हे अनेकांना अशक्य वाटते. पण स्टीलबर्ड हेल्मेटचे फाउंडर सुभाष कपूर यांनी हे दाखवून दिले आहे. 74 वर्षाचे सुभाष कपूर यांच्या स्ट्रगलची सुरूवात 1956 मध्ये झाली. त्यावेळी त्यांनी बॅग बनविण्याचे काम सुरु केले.

    कुटूंबाच्या पालनपोषणासाठी शिवत होते बॅग
    स्टीलबर्डचे अध्यक्ष सुभाष कपूर यांनीच या कंपनीचा पाया रचला. स्टीलबर्ड हाय टेक इंडिया एक पब्लिक लिमिटेड कंपनी आहे जी हेल्मेट बनवते. आता कंपनीचा वार्षिक टर्नओव्हर 200 कोटी होता. सूभाष कपूर यांनी एकेकाळी बॅग शिवण्यापासू ऑईल फिल्टर बनविण्याचे काम केले आहे. त्यांनी फायबर ग्लास प्रोटेक्शन गिअर बनविण्याचा बिझनेसही केला आहे. त्यांना शाळेत केवळ पास होण्यापूरते गुण मिळायचे. कुटूंब चालविण्यासाठी त्यांनी शाळाही सोडली.

    कपूर कुटूंब होते पाकिस्तानातील श्रीमंत कुटूंब
    त्यांचे कुटूंब पाकिस्तानातील झेलम जिल्ह्यात राहत होते. त्यांचे कुटूंब फाळणीनंतर भारतात आले. पाकिस्तानात त्यांचे 26 व्यवसाय होते. यात यूटेंसिल्स, कपडे, दागिने आणि शेती याचा समावेश होता. त्यांच्या 13 विहिरी होत्या त्याने ते 30 एकर जमिनीचे सिंचन करत होते. त्यांच्या कुटूंबाने काश्मीरमध्ये पहिला पेट्रोल पंप उघडला होता. फाळणीमुळे हे कुटूंब कंगाल झाले होते.

    फाळणीनंतर आले भारतात
    कपूर कुटूंब 1947 साली फाळणीची घोषणा झाली त्यावेळी भारतात हरिद्वार येथे होते. त्यांची आई लिलावती, चार मुले छरज, जगदीश, कैलास आणि दीड वर्षाचा सुभाष यांच्यासोबत त्या ठिकाणी होती. त्यांच्याकडे पाकिस्तानात परत जाण्याचा पर्यायही नव्हता. त्यामुळे त्या भारतातच राहिल्या. त्यांचे वडील तिलकराज कपूर हे पाकिस्तानात होते. फाळणीनंतर भारतात येत असताना त्यांच्यावर हल्ला झाला. ते बचावले पण त्यांच्याजवळ काहीच राहिले नाही. ते उपजीविकेसाठी छोटी-मोठी कामे करु लागले.

    असा होता सुरुवातीचा काळ
    त्यांचे कुटूंब हरिद्वारहून दिल्लीला 4 वर्षानंतर आले. त्यांच्या वडिलांनी व्यवसाय करायचा निर्णय घेतला. आपल्या पत्नीचे दागिने विकून त्यांनी व्यवसाय सुरु केला. ते मिठासाठी कापडी पिशव्या बनवू लागले. त्यांनी कपूर थाली हाऊस असे आपल्या कंपनीचे नाव ठेवले. ते 100 पाउच 4 रुपयात विकत होते. त्याचा हा लहान उद्योग चांगला चालत होता.

    पुढे वाचा: कधी सुरु केली स्टीलबर्ड

  • INDU COMP ECNM infog steelbird helmet company rags to riches story
    स्टीलबर्डचे अध्यक्ष सुभाष कपूर.

    सगळ्या प्रकारचे केले उद्योग


    सुभाष कपूर यांचे काम कपडे कापण्याचा होते तर त्याचे भाऊ कपडे शिवायचे आणि पॅक करायचे. ते मॅट्रिकला असताना परिक्षा देण्यासाठी जायचे पण पहिले कपडे कापण्याचे काम करायचे. काम करण्यासाठी त्यांनी मॅट्रिक झाल्यावर शिक्षण सोडले. पाउच बनविण्याबरोबरच त्यांच्या कुटूंबाने ऑईल फिल्टरचा उद्योग केला.

     

    1963 मध्ये उभारली स्टीलबर्ड
    13 मार्च 1963 रोजी त्यांनी स्टीलबर्डची स्थापना केली. त्यांची ही पार्टनरशीप दिल्लीतील नवाबगंज येथे होती. त्यानंतर त्यांनी कधीच मागे वळून पाहिले नाही. त्यानंतर दोन वर्षांनी ते ट्रॅक्टरसाठी 280 पध्दतीचे ऑईल फिल्टर बनवू लागले. त्यांचे मित्रही आता त्यांचा सल्ला घेण्यासाठी येऊ लागले. तेव्हा त्यांनी आपल्या मित्रांना हेल्मेट बनविण्याचा सल्ला दिला होता. सरकार हेल्मेटसक्ती करणार असल्याचे त्यावेळी त्यांना समजले होते. एक दिवस त्यांना वाटले की आपण दुसऱ्यांना सल्ला देतो त्याऐवजी आपणच हेल्मेट बनविण्यास काय हरकत आहे. सन 1976 मध्ये त्यांनी हेल्मेट बनविण्याचे प्लॅनिंग केले.

     

     

    दिल्लीत हेल्मेटसक्ती
    70 च्या दशकात हेल्मेटसक्ती नव्हती. त्यावेळी देशात हेल्मेट इंपोर्ट होत होते. 1976 मध्ये दिल्ली सरकारने हेल्मेट अनिवार्य केले. ते फायबर ग्लास कंपनी फ्लिकिंगटन लिमिटेडच्या लोकांना ओळखत होते. त्यांनी त्यांना हेल्मेट बनविण्याची माहिती दिली. ते दिल्लीतील काही दुकानात हेल्मेट विकू लागले. त्यांनी हेल्मेटची किंमत 65 रुपये ठेवली होती पण दुकानदाराची मागणी होती की ही किंमत 60 रुपये करावी. पण त्यांनी दुकानदारांची ही मागणी धुडकावून लावली कारण त्यांना माहिती होते की दुकानदारांकडे फारसे ऑप्शन नाहीत. हेल्मेटला मागणी वाढल्यावर दुकानदारांची त्याच्याकडे रीघ लागली. त्यांनी एका दिवसात त्याकाळात 2.5 लाख रुपये मार्केटमधून गोळा केले.

     

     

    जाहिरातीमुळे मिळाला फायदा
    त्यांनी हा पैसा वृत्तपत्र आणि दुरदर्शनवरील जाहिरातीसाठी खर्च केला. याचा त्यांना फायदा झाला आणि हेल्मेटची मागणी अनेक पटींनी महागली. त्यांनी याची किंमत 65 रुपयांनी वाढवून 70 रुपये केली. त्यांचा बिझनेस जोरात चालू लागल्याने त्यांनी 1980 मध्ये मायापुरी येथे आपला प्लॅन्ट सुरु केला. सुभाष कपूर यांना राजीव हा मुलगा आणि अनामिका ही मुलगी आहे. सूभाष कपूर यांचा मुलगा राजीव कपूर हे स्टीलबर्ड हेल्मेटचे मॅनेजिंग डायरेक्टर आहेत.

     

    पुढे वाचा: किती मोठा झाला आहे उद्योग

  • INDU COMP ECNM infog steelbird helmet company rags to riches story
    सुभाष कपूर

    आता आहेत 8 निर्मिती प्रकल्प


    स्टीलबर्डजवळ दिल्ली कार्यालयात 1,700 हून अधिक कर्मचारी आहेत. मागील 4 दशकात त्यांनी हेल्मेट बनविणारे 8 निर्मिती प्रकल्प उभे केले आहेत. यातील तीन प्रकल्प हिमाचल प्रदेशातील सोलन जिल्ह्यात आहेत. दिल्ली आणि नॉयडा येथे दोन यूनिट आहेत. त्यांची कंपनी रोज 9,000 ते 10,000 हेल्मेट आणि एक्सेसरीज बनवते. त्याची रेंज 900 रुपयापासून 15,000 रुपयांपर्यंत आहे. कंपनीचा टर्नओव्हर 200 कोटी रुपये आहे. 

     

    इटलीतील कंपनीसोबत आहे टायअप
    त्यांनी इटलीतील सगळ्यात मोठी हेल्मेट कंपनी बिफे सोबत टायअप केले आहे. ते जवळपास 4,000 व्हरायटीचे हेल्मेट बनवितात. स्टीलबर्ड श्रीलंका, बांगलादेश, पाकिस्तान, नेपाळ, ब्राझिल, मॉरिशिस आणि इटलीला हेल्मेट आणि एक्सेसरीज एक्सपोर्ट करते.

Trending