Home | Business | Industries | this person has 19 per cent more property to Mukesh Ambani

अंबानीपेक्षा 19 पटींनी श्रीमंत आहे हा उद्योजक, वर्षातील 250 दिवस राहतो विमानात

दिव्य मराठी वेब टीम | Update - Jan 08, 2018, 03:04 PM IST

मुंबई- ८१ वर्षाच्या या उद्योजकाला पैशाने पैसा बनविण्यासाठी ओळखले जाते. हेच कारण आहे, की जगभरातील गुंतवणुकदार यांच्या सल

  • this person has 19 per cent more property to Mukesh Ambani

    मुंबई- ८१ वर्षाच्या या उद्योजकाला पैशाने पैसा बनविण्यासाठी ओळखले जाते. हेच कारण आहे, की जगभरातील गुंतवणुकदार यांच्या सल्ल्यावर अब्जावधी रुपये लावतात. या उद्योजकाचे नाव आहे जोसेफ मार्क मोबियस. ते सध्या ४८ लाख कोटी (७४० अब्ज डॉलर) रुपयांचे मालक आहेत. अशा प्रकारे जोसेफ अंबानीपेक्षा किती तरी पटींनी श्रीमंत आहेत. आता जोसेफ रिटायर्ड होणार आहेत.

    मुकेश अंबानी यांच्यापेक्षा १९ पट जास्त संपत्ती
    जोसेफ मार्क मोबियस जगातील अग्रणी फंड मॅनेजर फ्रॅंकलिन टेम्पलटन इनव्हेस्टमेंटचे एग्झिकेटिव्ह चेअरमन आहेत. जगभरातील गुंतवणुकदार त्यांच्यावर विश्वास ठेवतात. त्यांच्याकडे एकूण ४८ लाख कोटी रुपयांची संपत्ती आहे. भारतातील सर्वात श्रीमंत व्यक्ती मुकेश अंबानी यांच्याशी तुलना केली तर त्यांच्याकडे १९ पटींनी जास्त संपत्ती आहे. ब्लूमबर्ग बिलेनिअर इंडेक्सनुसार सध्या मुकेश अंबानी यांची पर्सनल वेल्थ २.६ लाख कोटी रुपये आहे.

    म्हटले जाते मार्केट गुरु
    जोसेफ मार्क मोबियस यांना मार्केट गुरु म्हटले जाते. आफ्रिका, आशिया, पूर्व युरोप आणि लॅटिन अमेरिका या भागात यांची मोठी गुंतवणूक आहे. येथे गुंतवणूक करण्यापूर्वी जोसेफ यांचा सल्ला घेतला जातो. त्यांना पाइड पाइपर ऑफ इमर्जिंग मार्केट, ग्लोबट्रॉटर या नावांनीही ओळखले जाते.

    ८० वर्षांचा हा उद्योजक या वर्षी जानेवारीत रिटायर्ड होणार असल्याचे त्यांच्या कंपनीने जाहीर केले आहे.

    पुढील स्लाईडवर वाचा, विमानात २५० दिवस राहते हा उद्योजक... वाचा काय आहे सक्सेसमंत्र...

  • this person has 19 per cent more property to Mukesh Ambani

    विमानात राहतो २५० दिवस

    जोसेफ मार्क मोबियस यांनी ३० वर्षे फंड मॅनेजर म्हणून काम केले आहे. त्यांच्यावर अमेरिकी गुंतवणुकदारांचा प्रचंड विश्वास आहे. त्यांच्यासाठी पहिले इमर्जिंग मार्केट इक्विटी फंड बनविण्यात आले. याचा बेस सिंगापूर होता. तो वाढविण्यासाठी ते बराच कालावधी विमानात घालवायचे. एका फॅक्टरीला भेट देऊन ते दुसऱ्या फॅक्टरीकडे रवाना व्हायचे. गुंतवणूक वाढविण्यासाठी सर्व डिस्ट्रिब्युटर्सची भेट घ्यायचे.

  • this person has 19 per cent more property to Mukesh Ambani

    भविष्यावाणी झाल्या खऱ्या

    जोसेफ मोबियस यांनी अनेक भविष्यवाणी केल्या. त्यातील जवळपास सर्वच योग्य ठरल्या. २००९ मध्ये त्यांनी बुल मार्केटची सुरवात होण्याची भविष्यवाणी केली होती. 1998 मध्ये रशियात उद्योगधंद्यांची मोठी विक्री सुरु होती. तेव्हा त्यांनी बरेच उद्योग विकत घेतले. त्यांनी आफ्रिकेचे महत्त्व ओळखले. तेथे टेंपलटन अफ्रीका फंड नावाने स्थापना केली. बक्काळ पैसा कमवला. एका पुस्तकात त्यांनी लिहिले, की मी प्रत्येक कंपनीचा बारकाईने अभ्यास केला. कोणत्या कंपनीत येत्या ५ वर्षात जास्त नफा मिळेल. तेथे गुंतवणूक केली.

  • this person has 19 per cent more property to Mukesh Ambani

    स्कॉलरशिपच्या मदतीने पूर्ण केले शिक्षण

    न्युयॉर्कमध्ये जन्म झालेल्या मोबियस यांची वडील जर्मन आणि आई प्यूर्टो रिकोची होती. 1955 मध्ये स्कॉलरशिपच्या मदतीने त्यांनी बोस्टर विद्यापिठात अभ्यास केला. ट्युशनसाठी पैसे नसल्याने नाईटक्लबमध्ये पियानो वाजवण्याचे काम केले. पॉलिटिकल कन्सलटंट म्हणून काम केले. 1967 मध्ये हॉंगकॉंगमध्ये गेले तेथे रिसर्च बिझनेसची सुरवात केली.

     

    टम्पलटनमध्ये काम करण्यापूर्वी ब्रिटनची स्टॉक ब्रोकरेज फर्म विकर्स डा कोस्टामध्ये डायरेक्टर म्हणून काम केले. 1983 मध्ये तायवानमधील मेगा इंटरनॅशनल इन्व्हेंस्टमेंट ट्रस्टचे प्रेसिडंट झाले. ५० वर्षांचे असताना जॉन टेम्पलटनमधून ऑफर आली. त्याचे त्यांनी सोने केले.

Trending