घसरणीची शक्यता, जागतिक संकेतांवर ठरेल दिशा

भारतीय बाजारातील धारणा मुख्यत: जागतिक संकेतांवर अवलंबून राहणार आहे. फेडची बैठक आणि इंग्लंडमधील निर्णय जाहीर होण्याआधी भारतीय बाजारात मर्यादेत व्यवहार होण्याची शक्यता आहे. आर्थिक स्थितीबाबत नकारात्मकता कायम आहे. एप्रिल महिन्यात औद्योगिक उत्पादनात ०.८ टक्क्यांची घट झाली असून मे महिन्यात महागाईत वाढ झाली आहे. घाऊक महागाई दर ०.७९ टक्के, तर किरकोळ महागाई दर ५.७६ टक्क्यांवर पोहोचला आहे. खाद्यपदार्थ आणि पेट्रोल-डिझेलच्या किमती वाढल्यामुळे या दोन्ही प्रकारच्या महागाईत वाढ झाली आहे.
ही भारतीय अर्थव्यवस्था तसेच शेअर बाजारासाठी चांगली बातमी नाही. कारण यामुळे व्याजदरात कपात होण्याची शक्यता कमी होते. वास्तविक यंदा चांगल्या मान्सूनची अपेक्षा असल्यामुळे ग्राहकांची क्रयशक्ती वाढून महागाई कमी होण्याची अपेक्षा तज्ज्ञांनी व्यक्त केली आहे. एकंदरीत या आठवड्यात शेअर बाजारात मंदीची परिस्थिती राहण्याची शक्यता आहे.
तांत्रिकदृष्ट्या बाजारात पुढील काळात घसरणीची शक्यता असून सोबतच कन्सॉलिडेशन झोनमध्ये कायम राहील. निफ्टी ८१५२ अंकांच्या खाली असल्यामुळे नकारात्मक संकेत कायम आहेत. यामध्ये आणखी घसरण होण्याची शक्यता आहे. अशा स्थितीत निफ्टीला महत्त्वाचा आधार ७८०३ च्या पातळीवर मिळेल. वास्तविक याआधी ८०३४ आणि ७९४० च्या पातळीवरदेखील महत्त्वपूर्ण आधार मिळेल.

वाढीचा विचार केल्यास िनफ्टीला पहिला अर्थपूर्ण रेझिस्टन्स ८१६१ अंकावर मिळेल. हा एक महत्त्वपूर्ण आधार असेल, तर निफ्टी चांगल्या व्हॉल्यूमसह या पातळीच्या वरती बंद झाला तर बाजारातील नकारात्मकता संपण्यास मदत होईल. या पातळीच्या वर निफ्टीमध्ये वाढ होण्याची शक्यता आहे. यानंतर निफ्टीला पुढचा अर्थपूर्ण आधार ८२१७ वर आणि मजबूत रेझिस्टन्स ८२९६ च्या पातळीवर मिळेल. शेअरमध्ये या आठवड्यात टीव्हीएस मोटार आणि आयडिया सेल्युलर चांगल्या स्थितीत दिसत आहे. टीव्हीएस मोटारचा सध्याचा बंद भाव २९०.२५ रुपये आहेे. तो २९६ रुपयांपर्यंत वाढू शकतो. घसरणीत त्याला २८४ रुपयांवर स्टॉपलॉस लावावा. आयडिया सेल्युलरचा सध्याचा बंद भाव ९९.७५ रुपये असून तो १०४ रुपयांपर्यंत वाढू शकतो. घसरणीत त्याला ९७ रुपयांवर स्टॉपलॉस लावावा.
(लेखक तांत्रिक विश्लेषक moneyvistas.com चे सीईओ आहेत.)
(vipul.verma@dbcorp.in)