नव्या वर्षात महागणार कार; Year End ला दिला जातोय आकर्षक DISCOUNT

नवी दिल्‍ली- तुम्ही नव्या वर्षात नवी कार खरेदी करण्याच्या विचारात असाल तर हा विचार तुम्हाला डिसेंबर महिन्यात अंमलात आणावा लागेल. कारण नव्या वर्षात कारच्या किमती वाढणार आहे. बहुतांश कार निर्मात्या कंपन्यांनी आपल्या उत्पादनाच्या किंमतीत वाढ करण्याची घोषणा केली आहे.

वाढत्या उत्पादन खर्चामुळे होणारा तोटा काहीअंशी भरुन काढण्याच्या उद्देशाने वाहन निर्मात्या कंपन्यांनी कारच्या किमती वाढविण्याचा निर्णय घेतला आहे. यात मारुतीसह बीएमडब्ल्यु आणि जनरल मोटर्सचा समावेश आहे. या पार्श्वभूमीवर काही कंपन्यांनी वर्षाच्या शेवटी ग्राहकांना आकर्षित करण्यासाठी काही कंपन्यांनी डिसकाऊंट ऑफर सुरु केली आहे.

काही कंपन्यां आपल्या ठरावीक उत्पादनावर एक लाख रुपयांपर्यंत डि‍स्‍काउंट देत आहेत. विशेष म्हणजे ग्राहकांना आकर्षित करण्‍यासाठी इन्शुरन्स आणि रजिस्ट्रेशन शुल्कही माफ केले आहे.

देशातील सगळ्यात मोठी कार निर्माता कंपनी मारुती सुझुकीनेही एक जानेवारी 2015 पासून आपल्या उत्पादनाच्या किमती वाढवण्याची घोषणा केली आहे. तसेच लक्झरी कार निर्माता कंपनी बीएमडब्‍ल्‍यूने पाच टक्के तर जनरल मोटर्सने एक टक्का दर वाढवण्याची घोषणा यापूर्वीच केली आहे. यामुळे नव्या वर्षात कारच्या किंमतीत 5,000 ते 20,000 रुपयांपर्यंतची वाढ होणार आहे.