भाजपचे महाराष्ट्रात \'NO LOVE JIHAD\' कॅम्पेन; स्टार प्रचारक असतील नरेंद्र मोदी

सूत्रांकडून मिळालेल्या माहितीनुसार, राष्ट्रीय नेतृत्त्वाकडून भाजप प्रदेश कमिटीला प्रचारासाठी विशेष निर्देश देण्यात आले आहेत. प्रचारादरम्यान 'लव्ह जिहाद' आणि जातीय मुद्दे प्रचारात न घेण्याचे निर्देश देण्यात आले आहे. उत्तर प्रदेशच्या पार्श्वभूमीवर भाजपने राज्यात अशा प्रकारचे निर्देश दिल्याची माहिती मिळाली आहे.

भाजपचे राष्ट्रीय अध्यक्ष अमित शाह आज (शनिवारी) मुंबई येत आहेत. अमित शहा त्यांच्यासोबत महाराष्ट्रातील भाजप नेत्यांची बैठक होणार असून त्यात प्रचारासाठी विशेष व्युव्हरचना आखण्यात आली आहे. 'महाराष्ट्राचा विकास' हा भाजपचा प्रचाराचा प्रमुख मुद्दा असेल. विशेष म्हणजे भाजप शिवसेनेला टार्गेट करणार नसून कॉंग्रेसविरोधात प्रचार करेल.

भाजपने 257 उमेदवारांची यादी जाहीर केली आहे. यात 30-35 जागा या घटकपक्षांना दिल्याचे समजते.

शिवसेनासोबतची 25 वर्षे जुनी मैत्री तोडल्यानंतर भाजपने आता घटकपक्षांवर फोकस केला आहे. उमेदवारी अर्ज दाखल करण्‍याची आज (शनिवारी) अंतिम तारीख आहे.