मंत्री जयंत पाटील यांच्या भगिनी डॉ. उषा तनपुरे सेनेच्या उमेदवार!

राहुरी- राहुरी विधानसभा मतदारसंघातील राजकीय समीकरणे वेगाने बदलत असून अनेक वर्षांपासून राष्ट्रवादीचे घड्याळ हातात बांधणाऱ्या नगराध्यक्ष डॉ. उषा तनपुरे यांनी शिवसेनेचे धनुष्यबाण हाती घेतला आहे. राष्ट्रवादीचे ज्येष्ठ नेते मंत्री जयंत पाटील यांच्या त्या भगिनी आहेत. उमेदवारी अर्ज दाखल करण्याची शनिवारी (२७ सप्टेंबर) शेवटची मुदत असल्याने शुक्रवारी राजकीय घडामोडींना वेग आला. राहुरी मतदारसंघात भाजपकडून आमदार शिवाजी कर्डिले उमेदवार आहेत. युती तुटल्यामुळे शिवसेनेकडूनही उमेदवार देण्यात येणार आहे. ही उमेदवारी कुणाला मिळणार याकडे जिल्ह्याचे लक्ष लागले होते. डॉ. तनपुरे यांनी शिवसेनेत प्रवेश करून उमेदवारी अर्जही दाखल केला.