\'झोपडपट्ट्या राज्यकर्त्यांच्या आशीर्वादाने, मराठी माणसाला अल्पसंख्याक करण्याचा डाव\'

चारकोप / मुंबई - मुंबईचा विचका करुन ठेवला आहे. राज्यामध्ये फक्त शहरे सुज आल्यासारखे वाढत आहेत. कोणाला काहीच देणे घेणे नाही, आणि परत तोंडवर करुन मते मागायला येतात, असा आरोप महाराष्ट्र नवनिर्माण सेनेचे अध्यक्ष राज ठाकरे यांनी केला आहे. मनसे उमेदवारांच्या प्रचारासाठी आयोजित सभेत ते बोलत आहेत. झोपडपट्या वाढत नसून जाणिवपूर्वक वाढवल्या जात असल्याचा आरोप त्यांनी आघाडी सरकारवर केला.

रामदास आठवले यांच्या भाषणाची नक्कल करत राज ठाकरे म्हणाले, 'हे बक्कल जन्माला आलं', अशी बोचरी टीका त्यांनी केली. आठवलेंना शिवसेना पक्षप्रमुख उद्धव ठाकरे यांनी उपमुख्यमंत्री पदाची ऑफर दिली होती, त्याचाही राज यांनी समाचार घेतला. 'यांना उपमुख्यमंत्री केले असते तर काय झाले असते महाराष्ट्राचे,' असा सवाल त्यांनी उपस्थित केला.

झोपडपट्ट्या वाढवल्या जात आहे. त्यासाठी परप्रांतातून लोक आयात केले जातात. मग त्यांना सोईस्कर पद्धतीने उठवले जाते आणि एसआरए स्किमच्या नावाखाली भूखंड लाटले जात आहेत.