विधानसभा 2014: जम्मू-काश्मीर आणि झारखंडमध्ये शेवटच्या टप्प्यासाठी मतदान

जम्मू/रांची - जम्मू-काश्मिर आणि झारखंडमध्ये आज (शनिवार) विधानसभा निवडणुकीचे पाचव्या आणि शेवटच्या टप्प्यासाठी मतदान होत आहे. दुपारी दोन पर्यंत जम्मू-काश्मीरमध्ये 50 टक्के मतदान झाले.

झारखंडमधील 16 आणि जम्मू-काश्मिरातील 20 विधानसभा जागांसाठी मतदान सुरु आहे. झारखंडमध्ये 208 जम्मू-काश्मिरात 213 उमेदवार रिंगणात आहेत. झारखंडमध्ये सकाळी 9 पर्यंत साधाराण 14 टक्के मतदान झाले. दोन्ही राज्यातील मतमोजणी 23 डिसेंबरला होणार आहे.

जम्मू-काश्मीरमध्ये 20 जागांवर मतदान सुरु
बनी, बसोहली, कठुआ, बिलावर,हीरानगर, नगरोटा, गांधीनगर, जम्मू पश्चिम, जम्मू पूर्व, बिश्नाह, आरएस पुरा, सुचेतगढड, मढ़, रायपुर दोमाना, अखनूर , छंब , नौशेरा, दरहाल, राजौरी आणि कालाकोट या मतदारसंघात आज शेवटच्या टप्प्यात मतदान होत आहे. यातील 5 मतदारसंघ कठुआ जिल्ह्यात, जम्मूमध्ये 11 आणि राजौरी जिल्ह्यातील 4 जागांवर मतदान होत आहे.