अमेरिकेच्या \'लिटिल बॉय\'ने असा घातला होता धुमाकूळ, घेतले लाखों लोकांचे जीव

इंटरनॅशनल डेस्क- 6 ऑगस्ट 1945 रोजी अमेरिकेने जपानच्या हिरोशिमा शहरावर अणुबॉम्ब टाकला होता. जपानमधील ती सकाळ काही वेगळीच होती. लोक नेहमीप्रमाणे कामावर निघणारच होते. त्याचवेळी अमेरिकेच्या बॉम्बहल्ला करणारे विमान बी-29 ने हिरोशिमा शहरावर अणुबॉम्ब टाकला. जमिनीपासून सुमारे 31 हजार फूट उंचीवरून फेकलेल्या या बॉम्बने क्षणात उद्धवस्त केले. यात 1 लाख 40 हजार लोक मारले गेले. ऑपरेशन 'लिटिल बॉय'...

 

- या अणुबॉम्ब हल्ल्यांचे सांकेतिक नाव लिटल बॉय असे होते. मात्र हे लिटल बॉय जपान आणि माणुसकीला खोल जखम देऊन गेला. 
- लिटल बॉयला दुस-या महायुध्‍दाच्या वेळी अमेरिकेतील मॅनहॅट्टन प्रकल्पांतर्गत लॉस अलामोसमध्‍ये बनवण्‍यात आला होता.
- जवळपास 4 हजार किलोग्रॅम वजनाच्या या बॉम्बची लांबी तीन मीटर आणि रूंदी 71 सेंटिमीटर होती. 
- या बॉम्बने आपली विस्फोटक क्षमता युरेनियम -235 च्या आण्विक विखंडन प्रक्रियेतून प्राप्त केली होती. 
- तिची विध्‍वंसक क्षमता 13-18 किलोटन टीएनटी (ट्रायनायट्रोटालूईन) च्या बरोबरीने होते.

 

 

- फ्रँकलिन रूझवेल्टच्या नंतर अमेरिकेच्या राष्‍ट्राध्‍यक्षपदी हॅरी ट्रूम आले होते. दुस-या महायुध्‍दात जपानने अमेरिकेच्या पार्ल हार्बर बंदरावर हल्ला केला होता. 
- त्यामुळे जपानला धडा शिकवावा याबाबत अमेरिकेत मोठे राजकीय खल झाले. 31 जुलै 1945 रोजी ट्रूमन यांनी जपानवर अणुबॉम्ब टाकण्‍याचा आदेश दिला होता. 
- हवामान स्वच्छ असेल, तर हिरोशिमावर बॉम्ब टाकला जावा. लष्‍करी ठिकाणांना लक्ष्‍य करण्‍यात यावे. महिला आणि बालकांना यातून वगळले जावे, असे आदेशात म्हटले होते.

 

पीस पार्कमध्ये दिवा सतत जळतो-

- जपानच्या हिरोशिमा शहरातील पीस पार्कमध्‍ये एक दिवा सतत जळत आहे. जोपर्यंत जगात विध्‍वंसक अस्त्रे आहेत, तोपर्यंत तो जळत राहणार असा त्याचा अर्थ आहे. 
- 72 वर्षांपूर्वी जपानवर अमेरिकेने अणुबॉम्ब टाकला होता, तो दिवस होता 6 ऑगस्ट. 
- 1945 साली जपानच्या हिरोशिमा शहराची लोकसंख्या होती साडेतीन लाख. त्यातील 1 लाख 40 हजार लोक मारले गेले. 
- या हल्ल्यानंतर जागेवरच शरीराचे चामडे उसकटल्याने 70 हजार लोक मृत्यूमुखी पडले. नंतर जखमी व रेडिएशनमुळे 1950 पर्यंत लोक मरत होते.
- तीन दिवसानंतर जपानच्या नागासाकी या शहरावर दुसरा अणुबॉम्ब टाकण्‍यात आला. ज्यात 80 हजार जणांचा बळी गेला. अणुबॉम्ब हल्ल्याचा परिणाम आजही येथील लोक भोगत आहेत.