Home | International | China | All Mosques In China Should Raise National Flag: China Islamic Association

चीनच्या सर्व मशीदींवर राष्ट्रध्वज फडकवा, कायद्याची शिक्षा द्या -इस्लामिक संघटना

दिव्य मराठी वेब टीम | Update - May 22, 2018, 12:32 PM IST

चायना इस्लामिक असोसिएशनने देशातील प्रत्येक मशीदीवर राष्ट्रध्वज फडकावण्याचा सल्ला दिला आहे.

  • All Mosques In China Should Raise National Flag: China Islamic Association

    बीजिंग - चायना इस्लामिक असोसिएशनने देशातील प्रत्येक मशीदीवर राष्ट्रध्वज फडकावण्याचा सल्ला दिला आहे. या राष्ट्रीय संघटनेने सर्वच मशीदींमध्ये चीनच्या राज्यघटनेचे शिक्षण देण्याचे सुद्धा आवाहन केले आहे. असे केल्यास मुस्लिमांमध्ये राष्ट्रभक्ती मजबूत होईल असे संघटनेने सांगितले आहे. चायना इस्लामिक असोसिएशन चीनच्या कम्युनिस्ट सरकारच्या अधिपत्याखाली येणारी राष्ट्रीय धार्मिक संघटना आहे. आपण चीनच्या सर्वच मुस्लिमांचे प्रतिनिधित्व करतो असा दावा या संघटनेकडून केला जातो.


    संघटनेच्या अपीलवर सवाल
    - संघटनेने अपील केल्याच्या अवघ्या काही तासांतच सोशल मीडियावर प्रतिक्रिया उमटल्या. चीनमध्ये धर्मनिरपेक्षता पाळली जाते. अशात धार्मिक स्थळांवर राष्ट्रध्वज लावल्यास धर्मात राजकारण आणले जाते. हे तर चीनच्या निीतमत्तांचे उल्लंघन आहे असे लोक म्हणाले.
    - चीनची राज्यघटना आणि सरकार सुद्धा धर्म आणि राजकारणाला वेगळे ठेवण्याचा दावा करत असतात. पण, देशाचे राष्ट्रध्वज देशाचे प्रतिनिधित्व करतात राजकारणाचे नाही अशा काही प्रतिक्रिया उमटल्या आहेत. तर काहींनी ही संघटना सरकारला खुश करण्याचा प्रयत्न करत असल्याचे आरोप लावले आहेत.


    24 तास फडकवा राष्ट्रध्वज
    - इस्लामिक असोसिएशनने आपल्या वेबसाइटवर पोस्ट केलेल्या पत्रानुसार, देशभरातील सर्वच मशीदींमध्ये 24 तास चीनचे राष्ट्रध्वज लावायलाच हवे. तसेच हा झेंडा मशीदींच्या चांगल्या ठिकाणी ठळक दिसेल असे फडकवावे.
    - चीनचे सरकार समर्थक ग्लोबल टाइम्सच्या वृत्तानुसार, मशीदींमध्ये कायद्यांचे आणि संविधानाचे शिक्षण सुद्धा द्यायला हवे. मशीदींमध्ये अशा काही अॅक्टिव्हिटी आयोजित करायला हव्या जेणेकरून राष्ट्रभक्ती अधिकाधिक वाढेल.

    पुढे वाचा, चीनमध्ये मुस्लिमांचे आयुष्य...

  • All Mosques In China Should Raise National Flag: China Islamic Association

    चीनमध्ये मुस्लिमांवर इतके निर्बंध
    चीनमध्ये मुस्लिमांना त्यांच्या धार्मिक अधिकारांपासून वंचित केले जात असल्याची नेहमीच टीका होता. चीनमध्ये मुस्लिमांचे सर्वात वाइट हाल शिनजियांग प्रांतात आहेत. या ठिकाणी राहणाऱ्या मुस्लिमांना नमाज, रोजा, दाढी ठेवणे, बुरखा घालणे किंवा मुस्लिम दिसेल असा कुठलाही पेहराव करण्यास सक्त मनाई आहे. या प्रांतात होणाऱ्या सर्व हिंसाचारांसाठी मुस्लिमांना जबाबदार धरले जाते. कुठल्याही प्रकारचा तणाव निर्माण झाल्यास हजारोंच्या संख्येने विघुरांना (मुस्लिम समुदाय) अटक केली जाते.

Trending