Home | International | China | How China Elects President - Know About The Process

140 कोटी जनतेच्या देशात 200 लोक निवडतात राष्ट्राध्यक्ष, अशी आहे प्रक्रिया

दिव्य मराठी वेब टीम | Update - Oct 18, 2017, 03:40 PM IST

कम्युनिस्ट पार्टी ऑफ चायना (सीपीसी) च्या 19 वी नॅशनल काँग्रेस 18 ऑक्टोबरपासून सुरू झाली आहे.

  • How China Elects President - Know About The Process
    इंटरनॅशनल डेस्क - कम्युनिस्ट पार्टी ऑफ चायना (सीपीसी) च्या 19 वी नॅशनल काँग्रेस 18 ऑक्टोबरपासून सुरू झाली आहे. दर 5 वर्षांनी होणाऱ्या सत्ताधारी कम्युनिस्ट पक्षाच्या सर्वात मोठ्या संमेलनावर साऱ्या जगाची नजर असते. यातच पक्ष आणि एकूण देशाचा नेता निवडला जातो. जगातील सर्वात जास्त लोकसंख्येचा देश चीनच्या राष्ट्राध्यक्ष पदी पुन्हा शी जिनपिंग यांची निवड निश्चित मानली जात आहे.

    अशी होते राष्ट्राध्यक्षाची निवड...
    - ऑक्टोबरमध्ये सुरुवातीला कम्युनिस्ट पार्टी ऑफ चायना (CPC) देशभर आपल्या प्रतिनिधींची निवड करणार आहे. यानंतर ग्रेट हॉलमध्ये सर्वात महत्वाची बैठक घेतली जाईल.
    - सीपीसीमध्ये एकूण 2300 प्रतिनिधी आहेत. मात्र, या वर्षी त्यापैकी 2287 प्रतिनिधी काँग्रेसमध्ये (सभेत) सहभागी होणार आहेत. 13 प्रतिनिधींना गैरवर्तनामुळे पक्षातून काढण्यात आले आहे.
    - बंद दरवाज्यात सीपीसीची केंद्रीय समितीची निवड पार पडते. यात 200 सदस्य सहभागी होतात. सेंट्रल कमिटी पक्षाची एक राजकीय संस्था आहे. त्यामध्ये महत्वाचे नेतेच सहभाग घेतात.
    - सेंट्रल कमिटीच पॉलिट ब्युरो सदस्यांची निवड करते. पॉलिटब्युरो 25 सदस्यांची एक महत्वाची शाखा आहे. तर पॉलिट ब्युरोचे सदस्य स्थायी समितीच्या सदस्यांची निवड करते. त्यामध्ये 7 सदस्यांचा समावेश असतो.
    - सेंट्रल कमिटीकडून निवडल्या जाणाऱ्या या दोन संस्थाच निर्णय घेणाऱ्या सर्वात महत्वाच्या संस्था आहेत. सेंट्रल कमिटीकडूनच देशाच्या आणि पक्षाच्या नेत्याची निवड केली जाते.
    पार्टी जनरल सेक्रेटरी बनतो प्रेसिंडेट
    चीनमध्ये एक पक्षीय (लोकशाही) शासन पद्धती आहे. कम्युनिस्ट पार्टीच सरकार स्थापित करते. या पक्षाच्या जनरल सेक्रेटरी पदी ज्याची निवड केली जाते तोच देशाच्या राष्ट्राध्यक्ष पदाची सूत्रे हाती घेतो. मंत्री आणि अधिकारी हे पक्षाचेच पदाधिकारी असतात.
    पुढील स्लाइड्सवर आणखी तपशीलवार जाणून घ्या...
  • How China Elects President - Know About The Process
    देशभरातून असे निवडले जातात प्रतिनिधी
    - चीनचा सर्वोच्च नेता बनण्यासाठी उमेदवाराने पक्षाच्या नॅशनल काँग्रेसचे सदस्य असणे आवश्यक आहे. 
    - देशाच्या वेग-वेगळ्या प्रांत, शहर आणि काउंटीसह पक्षाच्या विविध स्तरांवरून येणाऱ्या लोकांपैकी 2000 प्रतिनिधी निवडले जातात. यावेळी प्रतिनिधींची संख्या 2287 इतकी आहे. 
    - ही निवड प्रक्रिया काँग्रेसमध्येच होत असते आणि देशातून जवळपास 2000 प्रतिनिधी निवडण्यासाठी सीपीसीचे जवळ-जवळ 9 कोटी अधिकृत सदस्य मतदान करतात. 
  • How China Elects President - Know About The Process
    अशी बनते पक्षाची सेंट्रल कमिटी
    पक्षाच्या काँग्रेस दरम्यान निवडलेले प्रतिनिधी सेंट्रल कमिटीचे सदस्य निवडण्यासाठी मतदान करतात. सध्या सेंट्रल कमिटीमध्ये 370 सदस्य आहेत. यापैकी 200 स्थायी आणि 170 पर्यायी आहेत. पर्यायी सदस्य स्थायी सदस्यांच्या अधिपत्याखाली राहून काम करतात. 
  • How China Elects President - Know About The Process
    पॉलिट ब्युरो आणि स्टॅन्डिंग कमिटी निवड
    सेंट्रल कमिटी कम्युनिस्ट पार्टीची सर्वोच्च संस्था आहे. यायच कमिटीच्या सदस्यांना पॉलिट ब्युरो मेंमर्स निवडण्याचा अधिकार आहे. 
     
  • How China Elects President - Know About The Process
    पक्षाचा प्रमुख
    पार्टीच्या सेंट्रल कमिटीचा जनरल सेक्रेटरी हाच सीपीसीचा प्रमुख असतो. त्याला देश आणि सचिवालयांचा सर्वोच्च अधिकारी मानले जाते. तो पॉलिट ब्युरोचा देखील प्रमुख असतो. पक्षाच्या घटनेनुसार, जनरल सेक्रेटरीवरच पॉलिट ब्युरो आणि स्टॅन्डिंग कमिटीच्या बैठका बोलावण्याची जबाबदारी आहे. चीनचे लष्कर सुद्धा देशाला नसून पक्षाला जबाबदार आहे. अर्थातच पक्षाचा प्रमुख हाच लष्कराचा सर्वोच्च प्रमुख आहे.

Trending