महिला कार्यकर्तीला शिवीगाळ; पाकिस्तानात खासदाराचे कृत्य

इस्लामाबाद- ऑनर किलिंग विषयावर सुरू असलेल्या टीव्हीवरील चर्चात्मक कार्यक्रमादरम्यान पाकिस्तानच्या सत्ताधारी पक्षातील संसद सदस्याने महिला हक्क कार्यकर्तीला शिवीगाळ केली.

तिच्यावर धावून जाण्याचा प्रयत्नही त्याने केला. ही चर्चा थेट प्रक्षेपित होत होती. हाफिज हमदुल्ला हे जमात-उलेमा-ए-इसला फजलचे सदस्य आहेत. ऑनर किलिंगच्या विरोधी मत मारवी सरमद या महिला हक्क कार्यकर्तीने मांडले. सरमद यांची मते पटल्याने हाफिज हमदुल्ला आक्रमक झाले आणि वाटेल त्या शब्दांत त्यांनी सरमद यांचा अपमान केला. त्यांच्यावर धावून जाण्याचाही प्रयत्न केला.

हे फुटेज सोशल मीडियावर प्रसारित झाले. हमदुल्ला अर्वाच्य भाषेत बोलत होते. मारवी सरमद यांनी त्यांच्याविरुद्ध तक्रार दाखल केली आहे. मारगल्ला पोलिस स्थानकात गुन्हा नोंदवून घेण्यात आला आहे. नवाझ शरीफ यांच्या सरकारमध्ये जमात उलेमाचे लोकप्रतिनिधी सहभागी आहेत.