Memories : वाचा, मर्लिन मनरोच्या 'त्या' प्रसिद्ध छायाचित्रामागील रंजक कथा

एक जून 1926 ला जन्म झालेल्या मर्लिनने अत्यंत कमी कालावधीमध्ये एक प्रसिद्ध अभिनेत्री, मॉडेल आणि गायिका म्हणून नाव कमावले होते. जगभरातील हजारो चाहत्यांच्या हृदयावर ती अधिराज्य गाजवत होती. पण तिची खऱ्या अर्थाने जगभरात ओळख झाली ती तिच्या त्या फोटो ने. हवेमुळे उडणारा मर्लिनचा स्कर्ट आणि तो सावरण्यासाठी तिचे सुरू असलेले प्रयत्न अशा या फोटोने जगभरातील तिच्या चाहत्यांच्या पाकिटाबरोबरच हृदयातही स्थान मिळवले. पण जेवढा हा फोटो एवढा प्रसिद्ध असूनही तो कोणी काढला आणि त्यामागची कथा काय हे अनेकांना माहिती नाही, ती कथा आज सर्व चाहत्यांना सांगणार आहोत.