अवकाळी हिमवृष्टीमुळे युक्रेन, रशिया, ब्रिटन ठप्प

युक्रेन, रशिया आणि ब्रिटनला अवकाळी हिमवृष्टीचा फटका बसला आहे.जगातील इतर देशांमध्ये वसंत ऋतूचे आगमन होत असताना हे देश मात्र अद्याप थंडीने गारठलेले आहेत.

रशियात दुप्पट बर्फवृष्टी
@मॉस्कोत गेल्या दोन दिवसांपासून बर्फवृष्टी सुरू आहे.
तापमान उणे 8 डिग्री सेल्सियस झाले आहे.
@तज्ज्ञांच्या मते मॉस्कोमध्ये हिवाळ्यापासून आतापर्यंत 10 फूट बर्फवृष्टी झाली आहे. सरासरीपेक्षा ही दुप्पट बर्फवृष्टी आहे.
@एवढेच नव्हे तर तापमानही हिवाळ्यापेक्षा 10 डिग्री अधिक घटले आहे.

ब्रिटन : 40,000 घरांतील वीज गायब
@ब्रिटनमध्ये बर्फवृष्टीमुळे जनजीवन ठप्प झाले आहे. रस्ते बर्फाखाली दबले आहेत. घरातील वीज, पाणीपुरवठा बंद पडला आहे.
@रविवारी लँकेशायरमध्ये एक मृतदेह सापडला होता. येथे सुमारे 40 हजार घरांमध्ये वीजपुरवठा खंडित झाला असून सरकारी यंत्रणा मदतकार्यात
गुंतली आहे.

युक्रेन : उणे 28 डिग्री सेल्सियस
युक्रेनमध्ये मार्च महिन्यातच गारठय़ाने 37 जण मृत्युमुखी पडले आहेत.
बहुतांश भागात तापमान उणे 8 डिग्री सेल्सियसपर्यंत घसरले आहे.
राजधानी किवमध्ये 21 इंच जाडीचे बर्फाचे थर पडले आहेत.