चीनमध्ये मुसळधार पाऊस; 13 जण मृत्युमुखी

बीजिंग - चीनच्या हुबेई प्रांताला पावसाचा तडाखा बसला असून आतापर्यंत 13 जणांचा मृत्यू झाला आहे. या घटनेत तीन नागरिक बेपत्ता असल्याचे वृत्त आहे. साओला चक्रीवादळामुळे मुसळधार पाऊस होत आहे. त्यात आतापर्यंत 725 नागरिक जखमी, तर असंख्य नागरिक बेघर झाले आहेत. पूर आणि दरड कोसळण्याच्या घटना घडत असून पावसाचा सुमारे 1 लाख 20 हजार कुटुंबांना फटका बसला आहे.