आंदोलन नव्हे, सरकारविरोधात द्रोह; ना राजीनामा, ना सुटी - शरीफ

इस्लामाबाद - पाकिस्तानमधीलिचघळलेले आंदोलन आणि राजकीय पेच अद्याप काही सुटलेला नाही. त्या पार्श्वभूमीवर ‘तेहरिक-ए-इन्साफ’चे नेते इम्रान खान ताहिर-उल- कादरी यांच्या नेतृत्वाखालील आंदोलनाच्या दबावाखाली झुकण्याची स्पष्ट भूमिका पंतप्रधान नवाझ शरीफ यांनी मंगळवारी घेतली. राजीनामाही देणार नाही आणि सुटीवर जाण्याचाही प्रश्न नसल्याचे शरीफ यांनी सांगितले.

शरीफ यांनी पाकमधील राजकीय पक्षाच्या नेत्यांसमोर बोलताना काही लोकांनी संपूर्ण देशाने निवडून दिलेल्या सरकारवर दबाव आणून ते पाडण्याचा घातक पायंडा आपण देशामध्ये पडू देणार नाही, अशी स्पष्टोक्ती केली. ते मंगळवारी संसदेच्या संयुक्त बैठकीत बोलत होते. देशामध्ये राज्यघटनेचे महत्त्व आहे त्याच्या विरोधी काम आपण होऊ देणार नाही, असे ते म्हणाले. पाकिस्तानचे भविष्य हे लोकशाहीशी निगडित असून मार्ग भरकटल्यास अशी परिस्थिती देशासाठी अत्यंत धोकादायक ठरू शकते, असे पंतप्रधानांनी म्हटले आहे. दरम्यान, सोमवारच्या हिंसक आंदोलनानंतर पोलिसांनी २०० जणांना अटक केली. रविवारपासून आंदोलनाला हिंसक वळण लागले होते.