पेशावर हल्ला: चिमुकल्यांना अखेरचा निरोप, भारतात २ मिनिटे मौनातून श्रद्धांजली

( छायाचित्र स्त्रोत : रॉयटर्स)

पेशावर/नवी दिल्ली/ कराची - दहशतवाद्यांच्या हल्ल्यानंतर पाकिस्तान शोकसागरात बुडाला असून बुधवारी चिमुकल्यांना दु:खी अंत:करणाने अखेरचा निरोप देण्यात आला. मृतांवर सामूहिक अंत्यसंस्कार करण्यासाठी पेशावरच्या रस्त्यावर हजारोंच्या संख्येने नागरिक जमले होते. सुन्न शांतताभरल्या वातावरणात जिवलगांचे अखेरचे दर्शन घेताना नातेवाइकांचे हुंदके तेवढे ऐकू येत होते.