आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

मुलांमधल्या प्रचंड ऊर्जेचं करायचं काय?

3 वर्षांपूर्वी
  • कॉपी लिंक

औरंगाबादच्या डॉ. अपर्णा अष्टपुत्रे मानसोपचार तज्ज्ञ आहेत. शिवाय पाथ फाइंडर संस्थेच्या उन्हाळी शिबिरांमध्येही त्या मार्गदर्शन करतात. मुलांना छंदवर्गाला घालण्यासंदर्भात त्यांची मतं काहीशी वेगळी आहेत. कुठल्या छंदवर्गाला मुलांना घातलं जातं यावर खूप काही अवलंबून असल्याचं त्या म्हणतात. आजकाल विभक्त कुटुंबपद्धती आहे.

 

अशा छोट्या कुटुंबात एकच मूल असतं. आईवडील दोघेही कामानिमित्त बाहेर असल्यामुळे ते मुलांना पुरेसा वेळ देऊ शकत नाहीत. पूर्वीसारखं पूर्ण सुट्या मामाच्या गावाला घालवणं आता सर्वच दृष्टींनी गैरसोयीचं आहे. 

 

त्यामुळे  मुळातच एकटी असणारी मुलं अधिकाधिक एकलकोंडी बनत जाताहेत. टीव्ही, मोबाइल, व्हीडीओ गेममध्ये ही मुलं रमण्यापेक्षा त्यांना समवयस्कांच्या शिबिरात दाखल केलं तर काय बिघडलं, असा प्रश्न त्या विचारतात. एखादा विषय घेऊन नाटक बसवणं,जाहिरात तयार करणं यांसारख्या गोष्टींतून मुलांच्या कल्पकतेला वाव मिळेल, अशा शिबिरांमधून जरूर घालावं, असं त्या म्हणतात.

 

एकटेपणामुळे आपल्याच कोषात गुरफटलेली मात्र प्रचंड ऊर्जा असलेली ही मुलं स्वत:च्या भावना अशा शिबिरांमधून व्यक्त करतात, ही खूप मोठी जमेची बाजू असल्याचं त्यांना वाटतं. समुपदेशक डॉ. संदीप सिसोदे यांचंही असंच मत आहे. दीर्घ कालावधीची शिबिरं असू नयेत असं त्यांना वाटतं. उन्हाळी शिबिरांचा कालावधी जास्तीत जास्त दोन आठवडे इतकाच असावा. खेळ, छंद, विचार आणि भावना व्यक्त करायला लावणारे विविध उपक्रम असं या शिबिराचं स्वरूप असावं. शैक्षणिक उपलब्धी वाढवण्यासाठी म्हणून मुलांना शिबिरात दाखल करणं हे सर्वस्वी चुकीचं आहे असं ते म्हणतात. 

 

 

बातम्या आणखी आहेत...