आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

पर्यावरण प्रदूषणाचे भीषण वास्तव

6 वर्षांपूर्वी
  • कॉपी लिंक
भारतातील ग्रामीण भागात बहुतांश महिला आजही पाळीच्या दिवसांत जुने सुती कपडे वापरतात. शहरी भागात बहुतांश मुली आता सॅनिटरी नॅपकिन्स वापरू लागल्या आहेत. परंतु दर महिन्यात वापरल्यानंतर फेकून देण्यात येणा-या सॅनिटरी नॅपकिन्सचं काय होतं? पर्यावरणावर याचे किती गंभीर परिणाम होतात, याचा विचार केल्यास भयंकर वास्तव समोर उभं ठाकतं...
तुम्हाला माहिती आहे?
— सॅनिटरी नॅपकीन वापरणा-या प्रत्येक महिलेकडून पाळी असलेल्या वर्षांमध्ये जवळपास १२५ किलो अविघटनशील कचरा फेकला जातो.
— एका अभ्यासानुसार, जर पाळी सुरू असलेली भारतातील प्रत्येक महिला सॅनिटरी नॅपकिन्स वापरू लागली तर दरवर्षी ५८,५०० दशलक्ष पॅड्स कच-यात फेकले जातील.
— बहुतांश ब्रँड्सच्या सॅनिटरी नॅपकिन्समध्ये प्लास्टिकचा वापर केला जातो. यामुळे एका पॅडची १०० टक्के विल्हेवाट लागण्यासाठी ५०० ते ८०० वर्षे लागू शकतात.
— बहुतांश नॅपकिन्स शुभ्र पांढरे दिसण्यासाठी त्यात क्लोरीन ब्लीच वापरले जाते. यामुळे प्रतिकारशक्ती कमी होणे, स्तनाचा कर्करोग, गर्भपिशवीसंबंधी आजार उद्भवू शकतात.
सॅनिटरी नॅपकीन कशापासून बनतात?
— नॅपकिनचा वरील थर पॉलिप्रोपायलीनपासून बनतो. यातून द्रवपदार्थ शोषले जाऊन हा थर कोरडाच राहतो.
— त्यानंतरच्या थर सर्वात महत्त्वाचा असून त्यात द्रवपदार्थ शोषून घेणारे पॉलिमर्स आणि लाकडी भुसा असतो.
— त्यानंतर द्रवपदार्थ बाहेर न येण्यासाठी एका अच्छिद्र पॉलिथिनचा थर नॅपकिनच्या खालच्या बाजूस असतो.
— काही नॅपकिन्समध्ये सुगंधाचाही वापर केलेला असतो.
म्हणजेच सॅनिटरी नॅपकिनमध्ये मोठ्या प्रमाणात वापरल्या जाणा-या प्लास्टिकमुळे उद्भवलेली समस्या भविष्यात उग्र रूप धारण करू शकते.