आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Dr.Vivek Pakhmode Article About Doctor And Patient Relation

सोबत न्या लिखित माहिती

8 वर्षांपूर्वी
  • कॉपी लिंक
दुर्दैवाने का असेना प्रत्येकाला कधी ना कधी तरी डॉक्टरांकडे जाण्याची वेळ येते. अशा वेळी रुग्णाने काही निश्चित पूर्वतयारी करून गेल्यास निदान अचूक व लवकर होऊ शकते. त्यामुळे कित्येक प्रकारच्या मनस्तापापासून सुटका होऊन अनावश्यक मनुष्यबळ व पैशांचा अपव्यय टाळता येईल. त्यासाठी काही गोष्टी काळजीपूर्वक न विसरता मुद्दाम करण्याची गरज आहे. सर्वात महत्वाचे म्हणजे आपण सर्व गोष्टी लिहून न्या.

आजाराचा पूर्वइतिहास
आपल्याला झालेला आजार केव्हा सुरू झाला. त्याची महत्त्वाची लक्षणे कोणती. पूर्वी असा आजार झाला असल्यास त्याची थोडक्यात माहिती डॉक्टरांना द्यावी.
काही औषधांचे आपल्यावर दुष्परिणाम होत असल्यास किंवा विशिष्ट पदार्थांची अ‍ॅलर्जी असल्यास त्यांची नावे लिहून न्यावीत.
ताप येत असल्यास थर्मामीटरने दिवसातून 2-3 वेळ त्याची तीव्रता मोजून त्याचे आकडे डॉक्टरांना सांगावेत.
प्रत्येकाने स्वत:ची एक आरोग्य सूची स्वतंत्र फायलीत क्रमवार लावून ठेवावी व त्यातील महत्त्वाच्या नोंदी व रिपोटर््स डॉक्टरांना दाखवावेत.
वर नमूद केलेल्या सर्व बाबी कागदावर किंवा आपल्या आरोग्यविषयक फाइलमध्ये लिहून नेल्यास ते उत्तम ठरेल. लॅबोरेटरीत रक्त, लघवी तपासण्यास देताना मार्गदर्शक सूचना घेऊन त्यानुसार लॅबोरेटरीत जावे.
जे प्रश्न, शंका, कुशंका, पथ्यपाणी डॉक्टरांना विचारायचे असेल ते लिहून न्यावेत. त्यामुळे डॉक्टरांचा वेळ पण वाचेल व आपला एखादा मुद्दा विसरणार नाही.