Home | Maharashtra | Kokan | Ratnagiri | Latest News in Marathi Nilesh Rane Press in Ratnagiri

निलेश राणेंची भास्कर जाधवांविरोधात गुहागर विधानसभा लढण्याची घोषणा

दिव्य मराठी वेब टीम | Update - Aug 16, 2014, 07:24 PM IST

राष्ट्रवादीचे नेते भास्कर जाधवांना पैशांचा माज चढल्याचा आरोप. नारायण राणे यांना निर्णयाची माहिती नाही.

  • Latest News in Marathi Nilesh Rane Press in Ratnagiri
    रत्नागिरी - काँग्रेसचे ज्येष्ठ नेते आणि राज्याचे उद्योग मंत्री नारायण राणे यांचे चिरंजीव आणि सिंधुदूर्गचे माजी खासदार निलेश राणे यांनी विधानसभा निवडणूक लढण्याचा मनोदय व्यक्त केला आहे. रत्नागिरी जिल्ह्यातील गुहागर मतदारसंघातून काँग्रेसने तिकीट दिले तर त्यांच्याकडून अन्यथा अपक्ष लढण्याची तयारी असल्याचे त्यांनी पत्रकार परिषदेत म्हटले आहे. हा मतदारसंघ आघाडीच्या जागा वाटपात राष्ट्रवादी काँग्रेसकडे असून राज्याचे मंत्री भास्कर जाधव येथून आमदार आहेत. निलेश राणे येथून उभे राहिले तर, कोकणात पुन्हा एकदा काँग्रेस विरुद्ध राष्ट्रवादी काँग्रेस संघर्ष पाहायला मिळेल.
    लोकसभा निवडणुकीत निलेश राणे यांचा पराभव झाला आहे. याचे शल्य त्यांना आहे. या पराभवाला राष्ट्रवादी काँग्रेसचे कार्यकर्तेच असल्याचे त्यांनी पत्रकार परिषदेत म्हटले. भास्कर जाधव यांना पैसा आणि सत्तेची मस्ती चढली असल्याचा आरोप करत, ती उतरवण्यासाठी निवडणूक लढणार असल्याचे ते म्हणाले. निलेश राणे यांनी एका मराठी वृत्तवाहिनीशी बोलताना त्यांच्या या निर्णयाची नारायण राणे यांना माहिती नसल्याचे म्हटले आहे.

    पुढील स्लाइडमध्ये, नारायण राणेंना माहित नाही निलेश राणेंचा निर्णय
  • Latest News in Marathi Nilesh Rane Press in Ratnagiri
    निलेश राणे यांना लोकसभा निवडणूकीत राष्ट्रवादी काँग्रेसच्या आमदार आणि कार्यकर्त्यांनी साथ दिली नव्हती. राष्ट्रवादी काँग्रेसचे माजी आमदार आणि नुकतेच शिवसेनेते गेलेले दीपक केसरकर यांनी काँग्रेस - राष्ट्रवादीची आघाडी असताना निलेश यांच्या प्रचारात सहभाग घेतला नव्हता. शरद पवार यांनी सांगितल्यानंतरही त्यांनी राणेंच्या विरोधात प्रचार केला होता. त्यानंतर केसरकरांनी राष्ट्रवादीत राहून राणेंच्या ठोकशाहीविरोधात लढता येणार नाही, असे सांगत शिवसेनेते प्रवेश केला. आता निलेश राणेच राष्ट्रवादी काँग्रेसच्या नेत्याविरोधात उभे राहाण्याची भाषा करत आहेत.

    संग्रहित छायाचित्र - भास्कर जाधव, राष्ट्रवादी काँग्रेसचे नेते आणि आमदार.
  • Latest News in Marathi Nilesh Rane Press in Ratnagiri
    गुहागार विधानसभा निवडणूक लढण्याबद्दल नारायण राणे यांना माहित नसल्याचे त्यांनी सांगितले असले तरी, राणे यांना काँग्रेसने प्रचारसमितीचे प्रमुख नेमले असताना त्यांचा मुलगा मित्रपक्षाच्या उमेदवाराविरोधात अपक्ष लढल्यास राणे काय करणार, असा प्रश्न उपस्थित होत आहे.  

    संग्रहित छायाचित्र - उद्योग मंत्री नारायण राणे.

Trending