Home | Maharashtra | Marathwada | Aurangabad | Verul Ghat 4 hours Jam due to truck accident

ओव्हरटेकच्या नादात ट्रॅव्हल्सची टेम्पोला धडक, वेरुळ घाट 4 तास जाम

प्रतिनिधी | Update - Apr 11, 2018, 02:24 AM IST

सोलापूर-धुळे महामार्गावर वेरुळ येथील एक नंबर लेणीच्या बाजूस मंगळवारी सकाळी ११:३० वाजता ट्रॅव्हल्स बस व टेम्पो यांचा अपघा

  • Verul Ghat 4 hours Jam due to truck accident
    अपघातानंतर तब्बल चार तास घाट जाम झाल्याने वाहनांच्या दूरवर रांगा लागल्या हाेत्या. छाया : वैभव किरगत

    वेरूळ- सोलापूर-धुळे महामार्गावर वेरुळ येथील एक नंबर लेणीच्या बाजूस मंगळवारी सकाळी ११:३० वाजता ट्रॅव्हल्स बस व टेम्पो यांचा अपघात होऊन टेम्पो चालक गंभीर जखमी झाला. अपघातानंतर बस रस्त्यावर अाडवी झाली तर चालक फरार झाला. गाडीतील महिलांना केवळ कर्नाटकी भाषा येत असल्याने गर्दी बघून त्यांनी बसचा दरवाजा आतून लावून घेतला.


    पोलिस येताच कर्नाटकी भाषेत आम्हाला मारू नका, आमचा दोष नाही असे म्हणत त्या रडू लागल्या. यात सुमारे ४ तास वेरूळ घाट जाम झाला. शिर्डी, वेरुळ दर्शन घेऊन अजिंठा लेणीच्या दिशेने निघालेल्या म्हैसूर येथील ट्रॅव्हल्स (केए १४ ए २५०२) व कागजीपुरा येथून विटा घेऊन येणाऱ्या टेम्पोची (एमएच २३-२१५२) घाटात समोरासमोर धडक झाली. अपघातात टेम्पो चालक मोहम्मद सोफीयाना मोहम्मद रिझवान (कागजीपुरा) गंभीर जखमी झाला. त्याचा १ मे राेजी निकाह अाहे. या वेळी पोलिस पाटील रमेश ढिवरे, स. पो. नि. दुर्गेश राजपूत, अनिलकुमार बेंद्रे, वाल्मीक कांबळे, बाबासाहेब थोरात, इमरान सय्यद, महामार्ग स. पो. नि. नामदेव चव्हाण, संजय धोटे, बालू मोरे, भगवान पवार, यांनी वाहने बाजूस करीत वाहतूक सुरळीत केली. फरार चालकाला पाेलिसांनी लेणी परिसरातून ताब्यात घेतले.

    पुढील स्‍लाइडवर...घाटातील लिंबाच्या झाडामुळे अपघात...

  • Verul Ghat 4 hours Jam due to truck accident

    घाटातील लिंबाच्या झाडामुळे अपघात
    वेरुळ घाटातून ट्रॅव्हल्स जात असताना ट्रॅक्टरला ओव्हरटेक करताना अपघात झाल्याचे प्रत्यक्षदर्शींनी सांगितले, तर बसचालक विनय बी.व्ही.(३३) याच्या म्हणण्यानुसार, लिंबाच्या झाडामुळे समोरून येणारा टेम्पो न दिसल्याने हा अपघात झाला.

  • Verul Ghat 4 hours Jam due to truck accident

    बसमधील कर्नाटकी महिला पर्यटकांची भीतीने रडारड
    म्हैसूर येथून आलेल्या ट्रॅव्हल्समध्ये पर्यटकांच्या म्हणण्यानुसार ४९ महिला व २ पुरुष होते तर चालकाच्या म्हणण्यानुसार ४५ महिला व ३ पुरुष होते, परंतु अपघात होताच बसचालक गाडी सोडून पळून गेला होता. अपघातामुळे जमा झालेली गर्दी पाहून घाबरलेल्या महिला पर्यटकांनी दरवाजा लॉक करत रडण्यास सुरुवात केली. ‘आम्हाला मारू नका, आमची चूक नाही’, असे त्या कर्नाटकीत सांगत होत्या. त्यांना फक्त कर्नाटकी भाषा येत होती, तर जमलेल्यांपैकी कुणालाही त्यांची भाषा कळत नव्हती, तर इतर वाहनचालक व सहायक पोलिस निरीक्षक दुर्गेश राजपूत, नामदेव चव्हाण, अनिलकुमार बेंद्रे हे पर्यटकांना बस खाली येण्याची विनंती करीत होते. मात्र ते तयार नव्हते. अर्ध्या तासानंतर वेरुळ येथील हॉटेलमध्ये काम करणाऱ्या व कर्नाटक भाषा येणाऱ्या सीलंबरसन या व्यक्तीने दुभाष्याचे काम केले.

  • Verul Ghat 4 hours Jam due to truck accident

    रस्ता मोकळा करण्याच्या नादात बंद
    मंगळवारी साडेअकरा वाजता अपघात झाल्यानंतर वेरुळ घाटातील वाहतूक विस्कळीत झाली होती. यानंतर टेम्पोचालक जखमीस बाहेर काढणे, रुग्ण्वाहिकेस रस्ता मोकळा करण्यात दोन तास लागले. दुपारी साडेतीन वाजता मेकॅनिक आणून गाडी बाजूला करत वाहतूक सुरळीत केली गेली.

Trending