आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

400 चारचाकींसह तीन हजार दुचाकींचे बुकिंग

7 वर्षांपूर्वी
  • कॉपी लिंक
औरंगाबाद- औरंगाबादकरांचे वाहनप्रेम जगप्रसिद्ध आहे. एकाच वेळी 150 मर्सिडीझची खरेदी कल्यामुळे मर्सिडीझचे शहर म्हणूनदेखील औरंगाबादची चर्चा होते. यंदा दस-याच्या मुहूर्तावर शहरात सुमारे 400 चारचाकी, तर 3 हजार दुचाकींची बुकिंग करण्यात आली आहे. या माध्यमातून सुमारे 70 कोटी रुपयांची उलाढाल होणार असल्याचा अंदाज ऑटोमोबाइल व्यवसायातील तज्ज्ञ नरेश देशपांडे आणि हरिओम सुझुकीचे संचालक जगदीश बियाणी यांनी वर्तवला आहे.
वाहन खरेदी करण्यासाठी विविध बँका तत्काळ अर्थसाह्य उपलब्ध करून देतात. सामान्यांनादेखील आता चारचाकीचे स्वप्न सहज पूर्ण करता येते. चारचाकी वाहनांमध्ये पेट्रोल गाड्यांना अधिक मागणी आहे, तर दुचाकीची खरेदी करताना ग्राहकांकडून अ‍ॅव्हरेजला प्राधान्य दिले जात असल्याचे विक्रेत्यांनी सांिगतले. चारचाकी वाहनात जपानी टेक्नॉलॉजीला प्राधान्य देण्यात येते. अनेकांनी दसऱ्याचा मुहूर्त साधण्यासाठी किमान सहा महिने अगोदर गाड्यांची बुकिंग करून ठेवली होती. गाडी खरेदी करताना आपली नेमकी गरज आणि बजेट यांचा ताळमेळ घालता आला पाहिजे, असे मत बालाजी कार रेन्टल अँड ट्रॅव्हल्सचे संचालक संतोष पवार यांनी व्यक्त केले.

125 बुलेट दिसणार रस्त्यावर
वाहनांमध्ये बुलेटप्रेमाचे वर्णन करणे कठीण आहे. प्रत्येक मोठ्या शहरात एक वेगळी बुलेट गँग असते. शहरातील या बुलेट गँगमध्ये दसऱ्याच्या मुहूर्तावर सुमारे 125 बुलेटची भर पडणार आहे. 1 लाखापासून तीन लाखांपर्यंत या बुलेटची किंमत असून या गाड्यांचे अ‍ॅव्हरेज 35 ते 50 च्या दरम्यान आहे. 125 पेक्षा अधिक बुलेट प्रेमींनी बुकिंग केली आहे. अनेकांना बुकिंग करूनही दसऱ्याला गाडी मिळाली नाही. त्यांना दिवाळीचा मुहूर्त साधता येईल, अशी माहिती चेरी कॉर्पोरेशनचे साळवे यांनी दिली.