आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

नव्या सुरक्षित फीचर्ससह दहा रुपयांची नवी नोट लवकरच चलनात; RBI ने केली घोषणा

4 वर्षांपूर्वी
  • कॉपी लिंक
मुंबई- नव्या फीचर्ससह दहा रूपयांची नवी नोट लवकरच चलनात येणार असल्याची घोषणा रिझर्व्ह बॅंक ऑफ इंडियाने (RBI) केली आहे. नव्या नोटेवर राष्ट्रपिता महात्मा गांधी सीरिज 2005 मधील नोटांवरील दोन्ही नंबर पॅनेलमध्ये (L) हे अक्षर असणार आहे. तसेच, RBI चे गव्हर्नर ऊर्जित पटेल यांची या नोटेवर स्वाक्षरी असेल. 

नोटबंदीनंतर आरबीआयने पाचशे आणि दोन हजार रुपयांच्या नव्या नोटा चलनात आणल्या आहेत. त्यानंतर आता दहा रुपयांची नवीन नोट लवकरच चलनात येणार आहे. या नोटेवर दोन्ही पॅनलमधील नंबराचा आकार डावीकडून उजवीकडे वाढत जाईल. पहिल्या तीन अल्फा न्युमरिक कॅरेक्टर्सचा आकार मात्र कायम राहील. 2017 मध्ये या नोटा छापल्या जाणार आहेत.

8 ऑक्टोबर 2016 ला पंतप्रधान नरेंद्र मोदींनी नोटाबंदीचा निर्णय जाहीर केला होता. त्यासोबत पाचशे आणि 1 हजार रुपयांच्या जून्या नोटा चलनातून बाद केल्या होत्या. त्यानंतर पाचशे आणि दोन हजार रुपयांच्या नवीन नोटा रिझर्व बँकेने चलनात आणल्या. त्याचप्रमाणे आता नव्या फीचर्ससह दहा रूपयांची नोट चलनात येणार आहे. मात्र, सध्या चलनात असलेल्या दहाच्या नोटा कायम राहणार आहेत.
 
(Pls Note- तुम्ही जर मोबाईलवर ही बातमी वाचत असाल तर फोटोच्या वरच्या बाजूला असलेल्या Whatsapp आणि Facebook च्या आयकॉनवर क्लिक करुन इतरांनाही सहज शेअर करा. तुम्ही जर लॅपटॉप, कॉम्प्युटरवर वाचत असाल तर URL म्हणजेच लिंक शेअर करा. धन्यवाद.)
बातम्या आणखी आहेत...