पेट्रोल-डिझेलचा विक्रीकरामुळे भडका, औरंगाबादेत शुक्रवारपासून दरवाढ लागू

औरंगाबाद - राज्य शासनाने पेट्रोल आणि डिझेलवरील विक्रीकर वाढवल्याने शहरात पेट्रोल 61 पैशांनी, तर डिझेल 1 रुपया 9 पैशांनी महाग झाले आहे. महागाईमुळे हैराण नागरिकांना हा नवा भुर्दंड आहे.
दरम्यान, कमिशन वाढवून मिळावे यासाठी डीलर असोसिएशनने रविवारपासून संपाचा इशारा दिला आहे. पेट्रोलियम कंपन्यांनी वाढत्या तोट्याचे कारण पुढे करून गेल्या आठवड्यात जनतेवर लिटरमागे सुमारे साडेसात रुपयांची दरवाढ लादली होती. औरंगाबादेत हे दर 77 रुपये 83 पैशांवर पोहोचले होते. त्यात आता विक्रीकराची भर पडली आहे.