आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

नोटबंदी समर्थनार्थ स्वाक्षरी मोहीम; दिवसांत 9 हजार लोकांचा पाठिंबा

4 वर्षांपूर्वी
  • कॉपी लिंक
औरंगाबाद - शहरात नोटबंदीच्या निर्णयाचे समर्थन करण्यासाठी सामाजिक कार्यकर्त्यांनी स्वाक्षरी मोहीम सुरू केली आहे. गुलमंडी परिसरात शनिवारी रविवारी आठवडी बाजारात सायंकाळपर्यंत हजार नागरिकांनी स्वाक्षरी करून पंतप्रधान नरेंद्र मोदी यांना पाठिंबा दिला, तर काही नागरिकांनी पाठिंबा नसल्याचे सांगत स्वाक्षरी करण्यास नकार दिला. एक लाख स्वाक्षऱ्या झाल्यानंतर जिल्हाधिकाऱ्यांना निवेदन देण्यात येणार आहे.

पाचशे हजार रुपयांच्या जुन्या नोटा बंद झाल्यानंतर पैसे मिळवण्यासाठी सर्वसामान्यांची परवड सुरू आहे. बँका आणि एटीएमसमोरील रांगा कमी झाल्या असल्या तरी पैसे मिळत नाहीत. खासगी बँकांचे एटीएम मागील तीन दिवसांपासून बंद आहेत. मर्यादित पैसे काढण्याचा नियम असल्यामुळे तातडीने पैशांची गरज असलेले शेकडो नागरिक हवालदिल झाले आहेत. दुसरीकडे काळा पैसा रोखण्यासाठी पंतप्रधान नरेंद्र मोदी यांनी योग्य निर्णय घेतल्याचा दावा केला जात आहे. विरोधी पक्षांनी नोटबंदी निर्णयाला विरोध केल्यानंतर पंतप्रधानांच्या निर्णयाचे समर्थन करण्यासाठी ठिकठिकाणी स्वाक्षरी मोहीम राबवली जात आहे. गुलमंडी परिसरात राबवलेल्या स्वाक्षरी मोहिमेत अनेक नागरिकांनी स्वाक्षरी केली. सामाजिक कार्यकर्ते अनंत मोताळे, प्रा. प्रशांत अवसरमल, ज्योती अवसरमल, रितू अग्रवाल, राहुल अग्रवाल, अॅड. जग्यासी, जे. पी. सिंग थांबा, रमेश तिवारी यांनी स्वाक्षरी मोहीम राबवली. वेगवेगळ्या स्तरातील नागरिकांनी स्वाक्षरी करून पंतप्रधानांना पाठिंबा दिला, तर पैसे काढताना गैरसोय झालेल्या काही नागरिकांनी स्वाक्षरी करण्यास नकार दिला. गुलमंडीवर दोन्ही मते असलेले नागरिक असल्यामुळे अनेकांचे लक्ष वेधले गेले. एक लाख स्वाक्षरी झाल्यानंतर जिल्हाधिकाऱ्यांना निवेदन दिले जाणार आहे, असे प्रा. अवसरमल यांनी सांगितले.

बातम्या आणखी आहेत...