पारधी कुटुंबाचे घर जाळले, 8 जणांवर अ‍ॅट्रॉसिटीचा गुन्हा

केज - गायरान सोडून जावे म्हणून पारधी समाजातील कुटुंबीयांना मारहाण करत माळी चिंचोलीत त्यांच घर जाळण्यात आले आहे. या प्रकरणी भाजपच्या माजी पंचायत समिती सदस्यासह 8 जणांवर अ‍ॅट्रॉसिटीचा गुन्हा दाखल झाला.
गायरान जमिनीवर पारधी कुटुंबीयांची वस्ती आहे. शनिवारी भाजपचे माजी पं.स. सदस्य सुनील गलांडे यांच्या गटाने ‘गायरान सोडून जा’ असे म्हणत मनाबाई पवार या महिलेच्या घराला आग लावली. मनाबाई हिने केज पोलिस ठाण्यात तक्रार दिली. दोघांना अटक झाली असून, उर्वरित आरोपी फरार आहेत.