नांदेडसह मराठवाड्यात अतिवृष्टीचा इशारा, पुढील 48 तासांत वादळी वाऱ्यासह जोरदार पाऊस

भारतीय हवामान खात्याच्या या इशाऱ्यात १५ जूनपासून पुढे ४८ तासांत वादळी वाऱ्यासह जोरदार पावसाचा अंदाज वर्तवण्यात आला आहे. त्यानुसार मराठवाड्यातील जिल्ह्यांत तुरळक ठिकाणी ७० ते ११० मिमीहून अधिक पाऊस होण्याची शक्यता आहे. त्या पार्श्वभूमीवर आपत्ती व्यवस्थापन कक्षाने विविध यंत्रणांना सतर्क राहण्याच्या सूचना दिल्या आहेत.

 

नागरिकांनी, विशेषत: शेतकऱ्यांनी अतिवृष्टीच्या काळात दक्षता घ्यावी. पशुधनासह विविध बाबींबाबत काळजी घ्यावी. जीवित व वित्त हानी होणार नाही यासाठी संबंधित यंत्रणांनाही सतर्क करावे, असे आवाहनही जिल्हा प्रशासनाने केले आहे.