Home »Maharashtra »Mumbai» MPSC STUDENT PROTEST AGAINST GOVT. POLICY OVER RECRUITMENT

MPSC च्या भोंगळ कारभाराविरोधात मुंबईत ‘आक्रोश' मोर्चा, सर्व विद्यार्थी संघटनांचा पाठिंबा

दिव्यमराठी वेब टीम | Mar 13, 2018, 12:23 PM IST

मुंबई- स्पर्धा परीक्षेतील भरती प्रक्रिया व गैरकारभाराविरोधात मुंबईत आज राज्यभरातील विद्यार्थ्यांनी आक्रोश मोर्चा काढला. यावेळी हजारो विद्यार्थी सहभागी झाले. महाराष्ट्र राज्य स्पर्धा परीक्षा विद्यार्थी संघर्ष समितीच्या या मोर्चाचे आयोजन केले होते.

महाराष्ट्र लोकसेवा आयोगाने यंदा केवळ 69 उमेदवारांची भरती करण्यात येणार असल्याची जाहिरात काढली होती. त्यानंतर स्पर्धा परीक्षा देणारे विद्यार्थी आक्रमक झाले आहेत. राज्याची आर्थिक स्थिती फारशी चांगली नसल्याने सरकारने मागील काही वर्षात अनेक रिक्त पदे भरली नाहीत. त्यामुळे विद्यार्थ्यांत दिवसेंदिवस नाराजी वाढत चालली होती. त्यातच अधिकारी भरती करताना डमी उमेदवार बसवून हजारो ढं विद्यार्थी क्लास वन अधिकारी झाल्याचे समोर आले आहे. त्यामुळे विद्यार्थ्यांनी एकत्र सरकारविरोधात आक्रोश मोर्चा काढला आहे. यापूर्वी पुणे, औरंगाबाद येथे एमपीएससी करणा-या विद्यार्थ्यांनी मोर्चा काढून सरकारचे लक्ष वेधले होते. आता या मोर्चाला राज्यस्तरीय स्वरूप आले असून, विविध पक्षांच्या विद्यार्थी संघटनांनी या मोर्चाला पाठिंबा दिला आहे.

पुढे स्लाईडद्वारे पाहा, MPSC विद्यार्थ्यांनी कोणत्या कोणत्या केल्या आहेत मागण्या...

Next Article

Recommended