Home »Maharashtra »Mumbai» Hailstorm Hit 1 Lakh 24 Thousand Hectares In 11 Districts Says Agircultural Minister Pundkar

गारपिटीचा 11 जिल्ह्यातील सव्वा लाख हेक्टरला फटका: कृषीमंत्री पांडुरंग फुंडकर यांची माहिती

दिव्य मराठी वेब टीम | Feb 12, 2018, 20:49 PM IST

मुंबई- कृषीमंत्री पांडुरंग फुंडकर यांनी गारपिटीमुळे 11 जिल्ह्यातील सुमारे 50 तालुक्यांमधील 1086 गावांमधील 1 लाख 24 हजार 294 हेक्टर क्षेत्र बाधित झाले असल्याचे म्हटले आहे. यामध्ये गहू, हरभरा, ज्वारी, कांदा आणि रब्बी हंगामामधील फळ पिकांना मोठा फटका बसला आहे. सर्वाधिक फटका बुलडाणा, अमरावती आणि जालना जिल्ह्याला बसला आहे.

गारपिटीमुळे विदर्भ, मराठवाडा तसेच उत्तर महाराष्ट्रातील काही भागात शेतीचे आणि काढणी झालेल्या मालाचे मोठे नुकसान झालं आहे. या नुकसानीबाबत पंचनामा करण्याचे आदेश कृषीमंत्र्यांनी दिले आहेत. या बाधित जिल्ह्यांमध्ये कृषी अधिकाऱ्यांनी क्षेत्रिय पाहणी केली. महसूल प्रशासन आणि कृषी अधिकारी यांनी राज्य शासनाला नुकसानीबाबत प्राथमिक अहवाल सादर केला आहे. बाधित 11 जिल्ह्यांमध्ये बीड, जालना, परभणी, जळगाव, बुलढाणा, अमरावती, अकोला, वाशिम, लातूर, उस्मानाबाद, हिंगोली यांचा समावेश आहे.

पुढील स्लाईडवर वेगवेगळ्या जिल्ह्यातील नुकसानीची माहिती आणि फोटो

Next Article

Recommended