मुंबईत लोकल सिग्नल तोडून सुसाट, मध्य रेल्वेची वाहतूक विस्कळीत

मुंबई- ठाण्यावरुन छत्रपती शिवाजी महाराज टर्मिनसकडे जाणा-या जलद लोकलने घाटकोपर स्टेशनजवळ सिग्नल तोडल्याने मध्य रेल्वेची वाहतूक विस्कळीत झाली. दुपारी दीड वाजण्याच्या सुमारास ही घटना घडली. या मुळे मोठा गोंधळ उडाला. 

ठाण्याहून छत्रपती शिवाजी महाराज टर्मिनसकडे जाणारी जलद लोकल सिग्नल तोडून पुढे गेली. त्यामुळे मोठा गोंधळ उडाला. जलद मार्गावरील लोकलसेवा विस्कळीत झाली. त्याचा प्रवाशांना मोठा फटका बसला. अनेक लोकल विद्याविहार आणि घाटकोपर स्थानकांदरम्यान अडकून पडल्या. एका पाठोपाठ एक अशा लोकलच्या रांगा लागल्याने अनेक प्रवाशांना ट्रॅकवर उतरुन पायपीट करावी लागली.