आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

केरळ पूरग्रस्तांसाठी शिवसेना आमदार-खासदारही देणार एक महिन्याचे वेतन- आदित्य ठाकरे

3 वर्षांपूर्वी
  • कॉपी लिंक

मुंबई- 2015 मध्ये जहांगीर आर्ट गॅलरीत महाराष्ट्रातील दुष्काळग्रस्त शेतकऱ्यांच्या मदतीसाठी भरवलेल्या छायाचित्र प्रदर्शनातून जमा झालेल्या रकमेतून काही रक्कम शिवसेना पक्षप्रमुख उद्धव ठाकरे केरळमधील पूरग्रस्तांना मदत म्हणून देणार असल्याचे युवासेना प्रमुख आदित्य ठाकरे यांनी एका ट्वीटच्या माध्यमातून जाहीर केले आहे. मात्र, त्यांनी ट्वीटमध्ये 2014 मध्ये प्रदर्शन भरवल्याचा उल्लेख केला आहे.

 

यासोबतच शिवसेनेचे सर्व खासदार, आमदारही केरळमधील पूरग्रस्तांसाठी एक महिन्याचा पगार देणार असल्याचेही त्यांनी जाहीर केले आहे.

 

2015 मध्ये 7 ते 13 जानेवारीदरम्यान मुंबईतील जहांगीर आर्ट गॅलरीत उद्धव ठाकरे यांनी छायाचित्रांचे प्रदर्शन भरवले होते. या प्रदर्शनातील फोटो विक्रीतून 5 कोटी 11 लाख रुपये जमा झाल्याचे सांगण्यात आले होते. ही सर्व रक्कम शेतकऱ्यांना मदत म्हणून दिली जाणार असल्याचे उद्धव ठाकरे यांनी जाहीर केले होते. यातील 4.5 कोटी रुपये शेतकऱ्यांना मदत म्हणून दिल्याच शिवसेना नेते आणि परिवहन मंत्री दिवाकर रावते यांनी स्पष्ट केले होते. त्यातील रकमेतून केरळमधील पूरग्रस्तांना मदत दिली जाईल, असे आदित्य ठाकरे यांनी स्पष्ट केले आहे. 

 

 

To stand with Kerala, all MPs & MLAs of @ShivSena will be contributing their one month’s salary to the Kerala Chief Minister’s Relief Fund.
For the last week, our Thane city unit has been actively collecting essential food and clothing materials to be sent to Kerala pic.twitter.com/bqzABlB4z3

— Aaditya Thackeray (@AUThackeray) August 20, 2018
पूरग्रस्तांसाठी आवश्यक साहित्य पाठवले  
आदित्य ठाकरे यांनी ट्वीटमध्ये म्हटले आहे, केरळमधील पूरग्रस्तांच्या पाठीशी शिवसेना असून पूरग्रस्तांसाठी पक्षाच्या सर्व खासदार आणि आमदारांचे एक महिन्याचे वेतन दिले जाणार आहे. ही रक्कम केरळच्या मुख्यमंत्री मदत निधीस दिली जाणार आहे. तसेच पक्षप्रमुख उद्धव ठाकरे यांच्या 2014 मधील छायाचित्र प्रदर्शनातून जो निधी उभारला गेला, त्यातून उद्धवजी मदत निधी सुपूर्द करणार आहेत. मिळालेल्या निधीतून आवश्यक ती सामग्रीही केरळला पाठवण्यात येणार असल्याचेही त्यांनी म्हटले आहे. याशिवाय, पक्षाच्या ठाणे विभागाने पूरग्रस्तांसाठी आवश्यक साहित्य आणि कपडे मागील आठवड्यात केरळला पाठवले असून त्यांनी पक्षातील सहकाऱ्यांना मदतीचे आवाहन करत अन्न, कपडे, ब्लँकेट, औषधे देणे शक्य आहे त्यांनी मदत करावी, असे अपील करत एक संपर्क क्रमांकही जारी केला आहे.
बातम्या आणखी आहेत...