आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दीपिका प्रमुख भूमिकांमुळे,तर एमा विनोदी चित्रपटांमुळे हिट;अभिनेत्री एमाशी दीपिकाची तुलना...

4 वर्षांपूर्वी
  • कॉपी लिंक

मुंबई- वर्ष २००७ याच वर्षी दीपिका पदुकाेनने बाॅलीवूड चित्रपटसृष्टीत प्रवेश केला हाेता, तर तिकडे एमा स्टाेन या अभिनेत्रीनेही छाेट्या पडद्यावरून हाॅलीवूडमध्ये पाऊल ठेवले हाेते. अाज या दाेन्ही अभिनेत्री कारकीर्दीच्या सर्वाेच्च शिखरावर अाहेत. दीपिका ही भारत देशातील, तर एमा जगातील सर्वात महागडी अभिनेत्री अाहे. कारण दीपिकाला प्रत्येक चित्रपटासाठी १२ ते १३ काेटी रुपयांचे मानधन मिळत असल्याचे सांगितले जात अाहे. तथापि, चित्रपट ताऱ्यांच्या कमाईच्या अाकड्यांची पुष्टी हाेणे कठीण अाहे. याबाबत केवळ अंदाज लावले जातात. फाेर्ब्जनुसार दीपिका पदुकाेन ही बाॅलीवूडची सर्वात महागडी अभिनेत्री अाहे. २०१७ मध्ये तिने ७० काेटी रुपयांची कमाई केल्याचा अंदाज अाहे. तसेच एमाची कमाई हाेती २६ मिलियन डाॅलर्स (सुमारे १ अब्ज ६६ काेटी रुपये).  

 

दीपिका व एमाने अनेक राेमॅन्टिक काॅमेडी चित्रपटांमध्ये काम केले अाहे; परंतु साेबतच नव्या भूमिका दाेघींना अाकर्षित करत असतात. दाेघींनी अशा चित्रपटांची निवड केली, ज्यात त्यांना चित्रपटातील सहायक कलाकारांएवढे महत्त्व व पडद्यावर अधिकाधिक वेळ दृश्ये मिळतील. तथापि, दीपिकाने अनेक कलाकार असलेले विविध चित्रपटही केले. सध्या ती स्त्रीप्रधान चित्रपटांना प्राधान्य देतेय. हाॅलीवूडच्या ‘ट्रिपल एक्स- जेंडर केज’मध्ये काम करताना अभिनेता विन डिझेलएवढेच महत्त्व कसे मिळेल याकडेही दीपिकाने पूर्ण लक्ष दिले हाेते. एमा स्टाेनने अापल्या चित्रपट कारकिर्दीची सुरुवात विनाेदी चित्रपटांपासून केली. सुपरबॅड, हाऊस बनी व घाेस्ट अाॅफ गर्लफ्रेंड पास्ट हे राेमॅन्टिक चित्रपट हाेते. तसेच ‘झाॅम्बीलॅण्ड’ हा हाॅरर काॅमेडी, तर ‘इझी ए टीन’ विनाेदी चित्रपट हाेता. गत पाच वर्षांत एमाने वेगवेगळ्या प्रकारचे सिनेमे केले अाहेत. त्यात दाेन सुपरहीराे चित्रपट ‘अमेझिंग स्पायडरमॅन-१ व २’चा समावेश अाहे. 


गुन्हेगारी विश्वावरील मारधाडपट ‘गंॅगस्टर स्क्वाॅड’मध्येही ती चमकली हाेती. त्यानंतर तिचा ‘बर्डमॅन’ हा ब्लॅक काॅमेडीपट अाला. दीपिकाच्या स्त्रीप्रधान चित्रपटांतील प्रमुख भूमिकांच्या उलट एमाने नामांकित अभिनेत्यांसाेबत जाेडी बनवत खास कथानक असलेल्या चित्रपटांना प्राधान्य दिले.   

 

 दाेघींनी आपले शिक्षण अपूर्ण साेडून  घडवली चित्रपटातील कारकीर्द 
दीपिका पदुकाेन व एमा स्टाेन या दाेघी अभिनेत्रींनी अापले शिक्षण अपूर्ण साेडून दिले. दीपिका माॅडेलिंगमधील अतिकामामुळे पदवीचे शिक्षण पूर्ण करू शकली नाही, तर एमाने बाॅलीवूडमध्ये करिअर करण्यासाठी शालेय शिक्षण मध्येच साेडून दिले.

 

 दाेघींचा अाऊटडाेअर व्यायामाकडे कल
या दाेघी अभिनेत्री फिटनेससाठी जिमला फारसे महत्त्व देत नाहीत. दाेघींना अाऊटडाेअर व्यायाम करणे पसंत अाहे. दीपिका फ्री-हॅण्ड बॅग्स, स्ट्रेचिंग करते. तसेच बॅडमिंटन खेळते व याेगादेखील करते, तर एमाला पर्वताराेहण व दूरपर्यंत फिरायला जाणे अावडते.
 
 दीपिका काॅफी बनवण्यात, तर एमा बेकिंगमध्ये एक्स्पर्ट
दीपिकाला काॅफी खूप अावडते. विशेषत: दक्षिण भारतीय फिल्टर काॅफी. ती फिल्टर काॅफी बनवण्यातही एक्स्पर्ट अाहे. तिने अापल्या स्टाफलाही उत्कृष्ट फिल्टर काॅफी तयार करणे शिकवले अाहे. शूटिंगदरम्यान ती खूप काॅफी पिते. दुसरीकडे एमा उत्कृष्ट बेकर हाेती. तिला वेगवेगळ्या प्रकारचे केक बनवता येतात. तिची जीवनातील पहिली नाेकरीच मुळी बेकिंगशी संबंधित हाेती. करिअरच्या प्रारंभी ती डाॅग बेकरीसाठी केक अादी पदार्थ बनवत असे.
 दरवर्षी केवळ दाेन-तीन चित्रपटच करतात
 
एका वर्षात दीपिका सरासरी केवळ तीन किंवा चारच चित्रपट करते. तिने २०१३ मध्ये पाच, २०१४ मध्ये तीन व २०१५ मध्ये तीन चित्रपट केले हाेते. २०१६ मध्ये तर एकही चित्रपट केला नाही, तर २०१७ मध्ये तिचा एकच चित्रपट अाला हाेता. तसेच जेव्हा ती संजय लीला भन्साळीचा चित्रपट करत असते, तेव्हा ती इतर काेणत्याही चित्रपटात काम करत नाही. याच प्रकारे हाॅलीवूडपट करत असताना दुसरा काेणताही चित्रपट स्वीकारला नव्हता. एमा स्टाेनदेखील वर्षातून सरासरी दाेन ते तीनच चित्रपट करते. २०१७ मध्ये तिने एका चित्रपटात, २०१६ मध्ये दाेन, २०१५ मध्ये दाेन, २०१४ मध्ये तीन व २०१३ मध्ये तीन चित्रपटांत काम केले हाेते.
 
 हिट व फ्लाॅप
दीपिकाचा पहिला चित्रपट ‘अाेम शांती अाेम’ प्रचंड हिट झाला हाेता, तर २००८ ते २०११ दरम्यान तिच्या फ्लाॅप चित्रपटांची मालिकाच अाली हाेती. त्यात चांदनी चाैक टू चायना, लफंगे परिंदे, ब्रेक के बाद, खेलें हम जी जान से व अारक्षण अादी चित्रपटांचा समावेश हाेता. मात्र, २०१२ मध्ये अालेल्या ‘काॅकटेल’ने तिचे चित्रपट करिअर काहीसे पुढे सरकवले. तसेच २०१३ मध्ये अालेल्या रेस-२, रामलीला, चेन्नई एक्स्प्रेस व ये जवानी है दीवानी या चित्रपटांनी १०० काेटींचा गल्ला जमवला, तर हाॅलीवूड अभिनेत्री एमा स्टाेनचा ‘झाेम्बीलॅण्ड’ हा पहिला माेठा ब्लाॅकबस्टर हाॅरर काॅमेडीपट हाेता. तसेच मुख्य कलाकाराच्या रूपात असलेला ‘इझी ए : क्रेझी-स्टुपिड-लव्ह’ चित्रपटही तिकीट खिडकीवर यशस्वी ठरला. या चित्रपटाने १४२.९ मिलियन डाॅलर्सची कमाई केली. या चित्रपटाने जगभरात २१६ मिलियन डाॅलर्सचा व्यवसाय केला. त्यानंतर ‘द अमेझिंग स्पायडरमॅन-१ व २’देखील हिट झाला. ‘ला ला लॅण्ड’मधील भूमिकेसाठी एमाला ‘अाॅस्कर’ पुरस्कारही मिळाला; परंतु मूव्ही ४३, मॅजिक इन मूनलाइट, अलाेहा, इरॅशनल मॅन यासारखे तिचे काही चित्रपट अापटले.
बातम्या आणखी आहेत...