चॅम्पियंस ट्रॉफी चालेल, पण भारत-पाकमध्ये दुहेरी क्रिकेट सिरीज शक्यच नाही -अमित शहा

मुंबई - भारत आणि पाकिस्तान क्रिकेट संघांमध्ये कुठलीही दुहेरी सिरीज अशक्य असल्याची स्पष्टोक्ती भाजपचे राष्ट्रीय अध्यक्ष अमित शहा यांनी शनिवारी केली. भारत आणि पाकिस्तानमध्ये आंतरराष्ट्रीय क्रिकेट सामने होत राहतील. चॅम्पियंस ट्रॉफी हा त्याचाच एक भाग आहे. मात्र, भारत पाकिस्तानला जाणार नाही आणि पाकिस्तानी क्रिकेट संघ भारतात येणार नाही. महाराष्ट्र दौऱ्यावर असताना शहा यांनी पत्रकार परिषदेत आपली भूमिका मांडली आहे.