आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

राज्यात जात प्रमाणपत्रे मिळणार ऑनलाइन

9 वर्षांपूर्वी
  • कॉपी लिंक

मुंबई - जात प्रमाणपत्रांची पडताळणी करून अर्जदारांना लवकरात लवकर प्रमाणपत्रे देता यावीत, यासाठी सामाजिक न्याय विभागामार्फत राज्यभरात प्रमाणपत्रे ऑनलाइन करण्याचा विचार सुरू आहे. यामुळे लाभार्र्थींना निश्चित वेळेत आणि विनासायास प्रमाणपत्रे मिळण्याची शक्यता असताना या योजनेला विभागातील काही झारीतील शुक्राचार्यांचा विरोध असल्याचे एका वरिष्ठ अधिका-याने सांगितले. त्यामुळे ही महत्त्वाकांक्षी योजना प्रत्यक्षात उतरत नसल्याचे अधिका-याने सांगितले.
अभियांत्रिकी आणि वैद्यकीय महाविद्यालयात प्रवेश घेणा-या विद्यार्थ्यांसाठी जात प्रमाणपत्रांची मुदत नुकतीच वाढवण्याचा निर्णय सरकारने घेतला आहे. मात्र, तरीही किती विद्यार्थ्यांना वेळेत प्रमाणपत्रे मिळतील याविषयी साशंकताच आहे. याचे कारण या विभागातील कामाची पद्धती आणि दप्तरदिरंगाई यांच्यापेक्षा दलालांचा असलेला मुक्त वावर हेच असल्याचे या विभागाच्या एका वरिष्ठ अधिका-यांनी सांगितले.