आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

अल्पवयीन मुलीवर अत्याचार करून अश्लील चित्रीकरण

9 वर्षांपूर्वी
  • कॉपी लिंक

मुंबई - एका अल्पवयीन मुलीवर अत्याचार करून तिचे अश्लील चित्रीकरण केल्याप्रकरणी चार जणांवर कळवा पोलिस ठाण्यात गुन्हा दाखल करण्यात आला आहे. ही घटना गेल्या वर्षी वांगणी येथील लॉजमध्ये घडली होती. योगेश लाड, समीर पाटील, गोरख भालेराव, नामदेव पाटील अशी आरोपींची नावे असून ते कळवा येथील चिंचघर भागातील रहिवासी आहेत.

5 एप्रिल 2012 मध्ये समीर पाटीलने कळवा येथील एका अल्पवयीन मुलीला लग्नाचे आमिष दाखवून तिच्यावर अत्याचार केला होता. वांगणी येथील लॉजवर हा प्रकार सुरू असताना योगेश लाड आणि गोरख भालेराव यांनी मोबाइलवर त्याचे चित्रीकरण केले. या वेळी या ठिकाणी असलेल्या नामदेव पाटील याने या मुलीला धमकी दिली. याप्रकरणी पीडित मुलीने गुरुवारी कळवा पोलिस ठाण्यात तक्रार दाखल केली. त्यानुसार पोलिसांनी गुन्हा दाखल करून घेतला असून आरोपींचा शोध सुरू आहे.