आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

परतीच्या पावसाने मुंबईकर बेहाल; मिठागरातील वस्तीतील 125 घरात पाणी घुुसले, 400 अडकले

6 वर्षांपूर्वी
  • कॉपी लिंक
मुंबई- मुंबईसह पूर्व आणि पश्चिम उपनगरांत परतीच्या पावसाने अक्षरश: थैमान घातले आहे.
दुसरीकडे, वसई आणि विरारमधील जनजीवन विस्कळीत झाले आहे. पावसामुळे दादर आणि आसपासच्या परिसरातील अनेक शाळांना आज सुट्टी देण्यात आली आहे. मिठागरातील वस्तीतील 125 घरांमध्येे पाणी घुसले असूून 400 जण अडकले आहे. बचाव कार्य सुरु करण्‍यात आले आहे.

बुधवारी दुपारी सुरु झालेला मुसळधार पाऊस गुरुवारीही बरसतोच आहे. ठाण्यासह पालघरलाही पावसाने चांंगले झोडपून काढले आहे. गेल्या 24 तासात मुंबईत 68 मिमी तर पालघर येेथे 315 मिमी पावसाची नोंद झाली आहे. परतीच्या पावसाने मुंबईकर अक्षरश बेहाल झाले आहेत. रस्ते आणि लोकल वाहतूक विस्कळीत झाली आहे.

सखल भागाात पाणी साचलं...
सततच्या पावसाने रस्ते जलमय झाले असून रस्ते आणि लोकल वाहतूकही मंदावली आहे. अंधेरी, हिंदमाता, परेल अशा अनेक भागात पाणी साचले आहे.

मुंबईची लाईफलाईनही कोलमडली
मुसळधार पावसाचा परिणाम मुंबईची लाईफलाईन समजली जाणारी लोकल सेवेवर झाला आहे. मध्य रेल्वे आणि पश्चिम रेल्वेवरील लोकल वाहतूक 10 ते 15 मिनिटे उशिराने धावत आहेत. सीएसटी ते अंधेरी दरम्यान मात्र, लोकल सेवा विस्कळीत झाली आहे.
पुढील वर्षाची चिंंता मिटली...
मुसळधार पावसाने मुंबईकरांंची दैना केली असताना मात्र, या पावसाने त्याच्यावर कृपाही केली आहे. मुसळधार पावसाने मुंबईतील तलावांमध्ये 8 वर्षांचा विक्रमी पाणीसाठा झाला आहे. त्यामुळे पुढच्या सप्टेंबरपर्यंत पाण्याची चिंता मिटली आहे.
मुंबई आणि उपनगरातील पावसाची आकडेवारी...
मुंबई शहर– 68.09 मिमी
मुंबई उपनगर (पूर्व)– 69.73 मिमी
मुंबई उपनगर (पश्चिम)– 88.65 मिमी
पालघर 315 मिमी
डहाणू 456 मिमी
तलासरी 72 मिमी
बोईसर 344 मिमी
वसई- 85 मिमी

मुंबईतील तलावांची साठवण क्षमता 14 लाख दक्षलक्ष लिटर असून ही पातळी आधीच ओलांडली आहे. मोडकसागर, तानसा, विहार, तुळशी, मध्य वैतरणा धरणे तुडूंब भरली आहे. दरम्यान, 2015 मध्ये पावसाने हुलकावणी दिल्याने मुंबईत आॅगस्टपर्यंत 15 टक्के पाणीकपात लागू करण्यात आली होती.

पुढील स्लाइड्‍सवर पाहा, मुसळधार पावसामुळेे बेहाल झालेल्या मुंंबईकरांचे फोटोज...
बातम्या आणखी आहेत...