आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Latest News In Marathi 100 Crore Defamation Suit Against Jiah Khan\'s Mother

आदित्य पांचोलीने जिया खानच्या आईवर ठोकला 100 कोटींचा अब्रुनूकसानीचा दावा

8 वर्षांपूर्वी
  • कॉपी लिंक
मुंबई - बॉलिवूड अभिनेता अदित्य पांचोली आणि त्याच्या कुटुंबीयांनी जिया खान हत्ये प्रकरणी तिची आई राबिया खान यांच्या विरोधात 100 कोटींचा अब्रुनूकसानीचा दावा ठोकला आहे. आदित्यने आरोप केला आहे, की राबिया त्यांच्या कुटुंबीयांची नाहक बदनामी करीत आहे. आदित्य पांचोलीच्या कुटुंबाचा दावा आहे,की राबीया यांनी सोशल नेटवर्किंग साइट ट्विटरवर काही ट्विट केले आहे, ज्यामुळे चित्रपट इंडस्ट्रीमध्ये त्यांच्या कुटुंबांची बदनामी होत आहे. मुंबई हायकोर्टात या प्रकरणी शुक्रवारी सुनावणी झाली. न्या. एस.सी.गुप्ते यांनी राबिया यांना नोटीस बजावली आहे. पुढील सुनावणी 9 जुलै रोजी होणार आहे.
राबिया यांचे वकील दिनेश तिवारी यांनी आम्हाला नोटीस मिळाले नसल्याचे म्हटले आहे. मात्र, पुढील सुनावणी 9 जुलै रोजी असल्याचे माहित असल्याचे म्हटले आहे.

काय आहे प्रकरण
जिया खानचा गेल्या वर्षी 3 जून रोजी तिच्या राहात्या घरात पंख्याला लटकलेल्या अवस्थेत मृतदेह आढळला होता. पाच महिन्यांपूर्वी पोलिसांनी ही आत्महत्या असल्याचे मान्य करुन आत्महत्येसाठी प्रवृत्त केल्याचा आरोप ठेवून आदित्य पांचोलीचा मुलगा सुरजला अटक केली होती.

कोर्टाने सीबीआयला फटकारले
दोन दिवसांपूर्वी राबिया खान यांच्या याचिकेवर सुनावणी करताना हायकोर्टाने मुंबई पोलिसांकडून हे प्रकरण सीबीआयकडे सोपवले होते. कोर्टाने सीबीआयला आदेश दिला, हे प्रकरण हत्येचे आहे, की आत्महत्येचे याचा तपास करा.
हायकोर्टाने सीबीआयला तपासाचे आदेश दिल्यानंतर त्यांनी तपासाला पुरेशे मनुष्यबळ नसल्याचे कारण पुढे केले. तेव्हा कोर्टाने केंद्रीय गुन्हे अन्वेषन विभागाला फटकारले. कोर्ट म्हणाले, 'जिया अमेरिकन नागरिक होती. त्यांना त्यांच्या देशातील नागरिकांची किती चिंता आहे, ते पाहा. ते लोक प्रत्येक सुनावणीला हजर राहातात आणि आमच्या तपास यंत्रणा जबाबदारीपासून दूर पळत आहे.'
जियाच्या आईने एफबीआयकडे केली मदतीची याचना
जियाची आई राबिया यांनी अमेरिकेची तपास यंत्रणा एफबीआयकडे मदतीची याचना केली आहे. त्यांच्या आग्रहानंतर एफबीआयचे या प्रकरणाकडे बारकाईने लक्ष आहे.