आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

मीरा बोरवणकर 36 वर्षांच्या सेवेनंतर निवृत्त, राज्याच्या पहिल्या महिला IPS अधिकारी

5 वर्षांपूर्वी
  • कॉपी लिंक
मुंबई- महाराष्ट्राच्या पहिल्या महिला आयपीएस अधिकारी मीरा बोरवणकर 36 वर्षांच्या कारकीर्दीनंतर निवृत्त झाल्या. मीरा जेव्हा तुरुंग महानिरीक्षक होत्या तेव्हा त्यांनी संजय दत्तला तुरुंगातील जेवणच दिले. अजमल कसाब आणि याकूब मेमनला त्यांच्या निगराणीतच फाशी देण्यात आली. त्या मुंबई गुन्हे शाखेच्या प्रमुख होत्या तेव्हा दाऊद इब्राहिमची बहीण त्यांना एवढी घाबरली होती की, त्यांच्या बदलीसाठी तिने विशेष नमाज अदा केली होती. 
 
मीरा यांचे वडील बीएसएफमध्ये अधिकारी होते. पंजाबमधूनच त्यांनी पदवी आणि पदव्युत्तर पदवी घेतली. 1981 मध्ये त्या महाराष्ट्र केडरच्या पहिल्या महिला आयपीएस अधिकारी झाल्या. पहिल्यांदा त्या 1994 मध्ये प्रामुख्याने चर्चेत आल्या होत्या. त्यांनी तेव्हा जळगाव सेक्स स्कँडलचा तपास केला होता. त्यात अनेक नेते आणि प्रभावशाली लोक सहभागी होते. नंतर त्या जेव्हा मुंबई गुन्हे शाखेच्या प्रमुख झाल्या तेव्हा हे पद मिळवणाऱ्या त्या पहिला महिला होत्या. तेथे अंडरवर्ल्डवरील कारवाईमुळे त्यांची कठोर अधिकारी ही प्रतिमा दृढ झाली. त्यांनी दाऊद इब्राहिम आणि छोटा राजनच्या अनेक गुंडांना तुरुंगात पाठवले. 
 
दाऊदची बहीण हसीना भावाच्या नावावर वसुली करत आहे, अशा बातम्या मुंबई गुन्हे शाखेकडे अनेकदा येत असत. एक दिवस एक तक्रार आली, पण एफआयआर लिहीत असताना तक्रार करणारी महिला गायब झाली. मीरांनी तिचा खूप तपास केला. त्यामुळे दाऊदच्या बहिणीला मीरा यांची भीती वाटायला लागली. नंतर एक रेकॉर्डिंग मीरांपर्यंत पोहोचले. त्यात हसीना ही एक विशेष नमाज अदा करा, या मीरा बोरवणकर यांची बदली करा,' असे म्हणत असल्याचे ऐकू येते.
 
पुढे स्लाईडद्वारे पाहा व वाचा, मीरा बोरवणकर यांच्याविषयी... 
बातम्या आणखी आहेत...