ताजा महाराष्‍ट्र- FTII च्या विद्यार्थ्यांचे बेमुदत उपोषण, दिग्गजांचे राष्ट्रपतींना निवेदन

पुणे - 'फिल्म अँड टेलिव्हिजन इन्स्टिट्यूट ऑफ इंडिया'मधील विद्यार्थ्यांनी एफटीआयआयच्या वादावर तोडगा न निघाल्याने आजपासून अन्नत्याग आंदोलन सुरू केले. हिमांशू शेखर, अलोक अरोरा आणि हिलाल सावेद हे तिघे दुपारी 12 वाजल्यापासून उषोषणास बसले आहेत. गजेंद्र चौहान यांची संचालक मंडळाच्या अध्यक्षपदावरची नियुक्ती रद्द करावी, यासाठी विद्यार्थ्यांकडून हे आंदोलन करण्यात येत आहे. तर या वादावर कायमचा पडदा पडावा, यासाठी सिनेजगतातील 180 दिग्गज मंडळी राष्ट्रपती प्रणव मुखर्जींना सह्यांचे निवेदन देऊन यावर तोडगा काढण्याची विनंती करणार आहेत.