पेंटाग्राफ दुरूस्तीनंतर अंबरनाथ, कल्याणमधील रेल्वेची वाहतूक पूर्वपदावर

या घटनेनंतर अंबरनाथ रेल्वे स्थानकात प्रवाशांची मोठी गर्दी झाली होती. अंबरनाथ रेल्वे स्थानकात दुपारी 2.56 वाजता येणारी कर्जत-सीएसएमटी फास्ट लोकल रेल्वे स्थानकात शिरताच ओव्हरहेड वायरमध्ये झालेल्या तांत्रिक बिघाडामुळे या लोकलचा पेंटाग्राफ  तुटला. यामुळे अप लाईनचा वीजपुरवठा तातडीने खंडित करण्यात आला. त्यामुळे कर्जतहून कल्याणकडे जाणारी रेल्वेसेवा पूर्णपणे ठप्प झाली.

पेंटाग्राफ तुटल्यावर त्याचे तुकडे पार्सलच्या डब्यात दरवाज्यात बसलेल्या कमलेश जादवानी यांच्या पायात घुसले, त्यामुळे त्यांच्या पायाला गंभीर इजा झाली.